سابق رکن اسمبلی سلطان محمود ہنجرا دوبارہ ن لیگ میں شامل
مظفر گڑھ میں سابق رکن قومی اسمبلی سلطان محمود ہنجرا دوبارہ ن لیگ میں شامل ہوگئے جبکہ علی پور سے سابق تحصیل ناظم خضر حیات گوپانگ اور سابق چیئرمین یونین کونسل نواب گوپانگ بھی ن لیگ میں شامل ہوگئے۔
مظفر گڑھ میں سابق ایم این اے سلطان محمود ہنجرا نے دوبارہ ن لیگ میں شمولیت اختیار کرلی ہے۔
سلطان محمود ہنجرا نے ن لیگ میں شمولیت کا اعلان اپوزیشن لیڈر پنجاب اسمبلی حمزہ شہباز کے مظفر گڑھ کے دورے میں کیا۔
سلطان محمود ہنجرا نے 2018 کا الیکشن آزاد حیثیت میں لڑا تھا۔
ن لیگ کے ڈویژنل جنرل سیکریٹری حماد نواز ٹیپو کے مطابق حمزہ شہباز کے دورے میں کے مطابق این اے 186 علی پور سے سابق تحصیل ناظم خضر حیات گوپانگ اور پی پی 276 علی پور سے سابق چیئرمین یونین کونسل نواب گوپانگ بھی ن لیگ میں شامل ہوگئے ہیں۔
دو روز قبل پی پی 271 سے پیپلز پارٹی کے ٹکٹ ہولڈر اختر گوپانگ نے بھی مسلم لیگ (ن) میں شمولیت اختیار کی تھی۔
