لاہور ۔ وزیر اعلیٰ پنجاب سردار عثمان بزدار نے بارشوں کے باعث واسا اور دیگر انتظامیہ کو ہمہ وقت مستعدد رہنے کا حکم دے دیا۔
وزیر اعلیٰ پنجاب نے آج لاہور میں ہونے والی بارش کے بعد انتظامیہ کو نشیبی علاقوں میں بارش کے پانی کی جلد نکاسی کو یقینی بنانے کا حکم دیا، کہا کہ نکاسی آب کا کام بارش کے دوران اوربارش کے بعد بھی جاری رکھا جائے ، ضروری مشینری کے ذریعے نکاسی آب کو کم سے کم وقت میں یقینی بنایا جائے ۔
وزیر اعلیٰ پنجاب نے حکم دیا کہ نکاسی آب کیلئے وضع کر دہ پلان پر عملدرآمد یقینی بنایا جائے ، بارشی پانی کے جلد نکاس میں غفلت برداشت نہیں کروں گا، شہریوں کو کسی صورت مشکلات کا سامنا نہیں ہونا چاہئے ۔ ٹریفک رواں دواں رکھنے کیلئے خصوصی انتظامات کئے جائیں ، واسا انتظامیہ اور ٹریفک پولیس کے حکام فیلڈ میں موجود رہیں ۔
