لیہ( صبح پا کستان )ڈسٹرکٹ انفارمیشن آفیسر نثار احمدخان کو معروف شاعر قاسم عارض نے اپنا نوتصنیف شاعری مجموعہ’’معراج آگہی‘‘پیش کی ۔
اس موقع پر نثار احمدخان نے کہا حکومت پنجاب محکمہ انفارمیشن اینڈ کلچر کی وساطت سے پنجاب راءٹرویلفیئرفنڈز سے ادیب اور شعراء کرام کی حوصلہ افزائی کے لئے مالی معاونت کے لیے مختلف اقدامات اُٹھارہی ہے ۔ انہوں نے کہاکہ وزیراعلی پنجاب سردار عثمان بزدار کی ہدایت پر گزشتہ سال بھی پنجاب بھر میں علم و ادب کے فروغ کے لیے متعدد مصنفین کو مالی امداد کے چیک فراہم کیے گئے تھے ۔ ڈی آئی او نثار احمدخان نے مزیدکہاکہ ادب سے وابستہ افرادمعاشرے کی بہتر سمت اور علم وادب کے فروغ کے لیے اپنا بھر پور کردار ادا کررہے ہیں قاسم عارض کا شاعری مجموعہ’’معراج آگہی‘‘ادبی حلقوں میں تازہ ہوا کا جھونکا ثابت ہوگا ۔
