لیہ ۔ ( صبح پا کستان )ایڈیشنل ڈائریکٹرلائیوسٹاک ڈاکٹر محمدطارق گدارہ نے کہاہے کہ ضلع لیہ میں مویشیوں کو وبائی امراض سے محفوظ رکھنے کے لیے پری فلڈ ویکسی نیشن مہم جاری ہے ۔
انہوں نے کہاکہ پری فلڈ ویکسی نیشن مہم کے دوران چھوٹے بڑئے مویشیوں کی ویکسی نیشن کی جارہی ہے ۔ ایڈیشنل ڈائریکٹرلائیوسٹاک ڈاکٹر محمدطارق گدارہ نے بتایاکہ گائے بھینسوں میں گل گھوٹو،مرغیوں میں رانی کھیت کی ویکسین جاری ہے انہوں نے مزیدبتایاکہ ابتک 90فی صدسے زائد جانوروں کی ویکسین مکمل ہوچکی ہے ۔ ڈاکٹر محمدطارق گدارہ نے کہا اگر کسی وجہ سے کوئی جانورویکسین ہونے سے رہ گیا ہوتو اپنے قریبی شفاخانہ حیوانات سے رابطہ کرکے ویکسین کرواسکتے ہیں ۔
