پیرامیڈیکل سکول لیہ کا سالانہ رزلٹ 75میں سے 36طالبعلم فیل
لیہ(صبح پا کستان)گورنمنٹ پیرامیڈیکل سکول لیہ کا سالانہ رزلٹ کا اعلان کر دیاگیا مختلف کیٹیگری کیلئے 75امتحان دینے والے طلباء و طالبات میں سے 36فیل ہوگئے،تفصیل کے مطابق پیرامیڈیکل سکول لیہ میں چار کیٹیگری کی تعلیم حاصل کرنے والے طالبعلموں میں سے ایکسرے و ریڈیو گرافر کیلئے 17طالبعلموں میں سے صرف 2پاس ہوئے اور 15فیل،آپریشن تھیٹر ٹیکنیشن کی کلاس میں 20طالبعلموں میں 13فیل،7کامیاب ہوئے،لیبارٹری ٹیکنیشن کلاس کے 21طالبعلموں میں سے 16کامیاب ،5فیل ہو گئے،میڈیکل ٹیکنیشن کلاس کے 17طالبعلموں میں سے 3فیل 14طالبعلم کامیاب ہوئے ،واضع رہے کہ پیرامیڈیکل سکول لیہ میں گذشتہ دو برسوں سے پرنسپل سمیت دیگر تعلیم دینے والا عملہ کے بغیر رواں دواں ہے چند محکمہ ہیلتھ کے ملازمین کی عارضی ڈیوٹیاں لگا کر طالبعلموں کی تعلیم کا سلسلہ جاری رکھا ہوا ہے۔
