لیہ (صبح پاکستان)وزیر صحت پنجاب کی ہیلتھ پالیسی مکمل طور پر ناکام ہوگئی شعبہ صحت کیلئے کوئی اقدام نہیں کئے گئے جس کی وجہ سے پورے پنجاب میں شعبہ صحت کی کارکردگی متاثر ہورہی ہے،ہسپتالوں میں ڈاکٹرز وعملہ کی کمی کو فوری طور پر پوری کی جائے ڈاکٹروں کی بھرتی کی پالیسی تک وضع نہیں کی گئی ،ڈاکٹروں کی ایڈہاک پر بھرتی کی بجائے کنٹریکٹ کی بنیاد پر بھرتیاں کی جائیں ،ڈسٹرکٹ ہیلتھ اتھارٹی ضلع لیہ نے ڈاکٹروں کی حالیہ بھرتیوں میں میرٹ کو نظر انداز کرکے اقربا پروری کرتے ہوئے ڈاکٹرز بھرتی کئے ہیں
یہ باتیں گذشتہ روز ینگ ڈاکٹرز ایسوسی ایشن کے عہدیداران نے ڈسٹرکٹ پریس کلب میں گفتگو کرتے ہوئے کی،صدر ینگ ڈاکٹرز ایسوسی ایشن ملتان ریجن ڈاکٹر فرحان اسلم ،ضلعی صدر لیہ ڈاکٹر نجف کاظمی ،چیئرمین ڈاکٹر خضر و دیگر نے ڈسٹرکٹ پریس کلب لیہ میں ہنگامی پریس کانفرنس کرتے ہوئے کہا کہ ڈسٹرکٹ ہیلتھ اتھارٹی لیہ نے ڈاکٹروں کی حالیہ بھرتیوں میں میرٹ کو نظر انداز کرتے ہوئے اقرباء پروری کر کے ڈاکٹرز بھرتی کئے ہیں انہوں نے مطالبہ کیا کہ فوری طور پر میرٹ پالیسی و میرٹ لسٹ جاری کی جائے بصورت دیگر وائی ڈی اے سی ای او ہیلتھ کے دفتر کا گھیرائو کریں گے ،ڈاکٹرفاران اسلم صدر ینگ ڈاکٹر ایسوسی ایشن ملتان ریجن نے کہا کہ ہسپتالوں میں سہولیات کرونا وائرس کے دوران ڈاکٹرز کے ساتھ ساتھ دیگر طبقات میں میڈیا،پولیس،ہیلتھ ورکرز فرنٹ لائن پر اپنی خدمات دیں حکومت نے ہسپتالوں میں سہولیات کا فقدان ہے،وائی ڈی اے پنجاب کو میرٹ پالیسی بارے حکومت پنجاب و ڈسٹرکٹ ہیلتھ اتھارٹی آگاہ کرے،تمام ڈاکٹرز برابر ہیں جس کا میرٹ بنتا ہے اس کو تعیناتی کے احکامات جاری کئے جائیں ،حق نہ ملنے پر چند ڈاکٹرز نے عدالت کا رخ کیا ہوا ہے اس فیصلے کا بھی انتظار ہے اگر حکومت نے میرٹ پالیسی کو اوپن نہ کیا اور میرٹ کے مطابق تقرریاں نہ کی گئیں تو وائی ڈی اے پنجاب احتجاج کا راستہ اپنائے گی ،کرونا وائرس کا دوسرا فیز بہت زیادہ خطرناک ہے رسک الائونس،کرونا الائونس،کرونا شہید پیکج و ہسپتالوں میں ڈاکٹرز سمیت دیگر عملہ کو فوری طور پر حفاظتی سامان مہیا کئے جائیں،
ڈاکٹر نجف کاظمی نے کہا کہ محکمہ صحت ضلع لیہ میں بہت سے مسائل ہیں،ڈاکٹرز کی ایڈہاک بھرتی کی سلیکشن میں میرٹ کو نظر انداز کرکے نوجوان کی حق تلفی کی گئی،ایڈہاک پالیسی کی بجائے کنٹریکٹ کی پالیسی اپنائی جائے،ہمارا مطالبہ ہے کہ میرٹ پالیسی کو اوپن کیا جائے ،پرائیویٹ کالجز ،بیرون ملک اور گورنمنٹ کے اداروں سے تعلیم حاصل کرنے والے ڈاکٹرز ہمارے لئے محترم اور برابر کی حیثیت رکھتے ہیں انہوں نے کہا کہ لیہ میں بھرتی کے دومتاثر ہ داکٹر عرفان مرتضیٰ اور فیصل مجید ہائیکورٹ میں رٹ دائر کررکھی ہے جس کی سماعت 10نومبر کو ہونی ہے اس کے بعد وائی ڈی اے لیہ اپنا لائحہ عمل طے کرے گی،انہوں نے کہا کہ ہسپتالوں کی مانیٹرنگ کرنے والے ایم ایز کو ایس او پیز کے مطابق ہسپتالوں میں داخلے کا پابند کیا جائے ان کا کام مانیٹرنگ کرنا ہے نہ کہ ڈاکٹروں پر حکم چلانا،ایم ایز کو خوش کرنے کیلئے ڈاکٹرز کی معظلی کی بھر پور انداز میں مذمت کرتے ہیں ،ڈاکٹر راشد جنرل سیکرٹری وائی ڈی اے ملتان میرٹ پالیسی کونظر انداز کرکے من پسند و سیاسی اثر رسوخ اپنا کر جو ڈاکٹرز ہسپتالوں میں کام کررہے تھے ان کو نظر انداز کردیا گیا ڈاکٹر عرفان گذشتہ 10ماہ سے ڈی ایچ کیو ہسپتال میں اپنی خدمات سرانجام دیتے رہے ،ان کو میرٹ پالیسی کا نظر انداز کرکے نئے لوگوں کو تعینات کیا جارہا ہے ،صوبائی وزیر صحت ڈاکٹر یاسمین راشد کی پالیسیاں ناکام ہو گئیں،سیکرٹری صحت پنجاب پورے پنجاب کیلئے ڈاکٹرز کی تعیناتی کیلئے اوپن پالیسی کا اعلان کریں کمیٹی کا اعلان پنجاب سیکرٹریٹ سے کیا جائے ڈاکٹر عرفان مرتضیٰ نے کہا کہ ڈسٹرکٹ ہیلتھ اتھارٹی نے میرٹ پالیسی و میرٹ لسٹ کو اوپن نہیں کیا گیا،سیاسی اقربا پروری ،ناانصافی سے من پسند افراد کی تعیناتی لسٹ جاری کی گئی ،ہمارا مطالبہ ہے میرٹ لسٹ و پالیسی کو اوپن کیا جائے عدالت عالیہ میں میرٹ کو چیلنج کیا ہے تاکہ میرٹ لسٹ و پالیسی کو اوپن کرایا جاسکے،پریس کانفرنس میں ڈاکٹر میاں راشد،ڈاکٹر نظیر حسین،ڈاکٹر عبدالقدوس،ڈاکٹر قاسم توقیر،ڈاکٹر صفدر نذر،ڈاکٹر عبدالغفار،ڈاکڑ محمد حیات،،ڈاکٹر غلام قادر،ڈاکٹر شاہد الیاس،ڈاکٹر حیات موجود تھے
