لیہ(صبح پا کستان)ینگ نرسنگ ایسوسی ایشن ڈسٹرکٹ ہیڈ کوارٹر ہسپتال لیہ نے فرانس میں شائع ہونے والے گستاخانہ خاکوں کے خلاف ہسپتال میں میلاد النبی کے بعد احتجاجی ریلی کا انعقاد کیا گیا ریلی کی قیادت چیئرمین ینگ نرسنگ ایسوسی ایشن بشریٰ گل،صدر عائشہ زریں،جنرل سیکرٹری مصباح شہزادی نے کی جس میں سینئر جونیئر نرسسز کی کثیر تعداد نے شرکت کی
،ریلی کے دوران عہدیداران نے گفتگو کرتے ہوئے کہا کہ مسلمانوں کا عقیدہ ہے کہ اپنی جان مال اولاد سے زیادہ حضور نبی کریم ﷺسے محبت کرتے ہیں ان کی شان میں گستاخی کرنے والا جہنم واصل ہوتا ہے،آج ہم نے فرانس کے صدر و حکومت کے خلاف احتجاج کرکے حکومت پاکستان سے مطالبہ کرتے ہیں کہ بین الاقوامی سطح پر پاکستان بھر کے مسلمانوں کے جذبات بارے آگاہ کرکے فرانس کے ساتھ سفارتی تعلقات منقطع کئے جائیں،احتجاجی ریلی میں فرانس کے صدر کے پتلے کو آگ بھی لگائی گئی۔
