ملتان ۔ ریلوے پولیس ملتان ڈویژن نے 60 لاکھ روپے سے زائد مالیت کی آئس سمگلنگ کی کوشش ناکام بنادی۔
ٹرین گشت کے دوران مسافر کے سوٹ کیس سے 1 کلو 8 سو 35 گرام آئس برآمد۔ مقدمہ درج۔ گزشتہ روز لاہور سے کراچی جانے والی کراچی ایکسپریس پر ریلوے ملتان ڈویژن کے اہلکاروں نے دوران ڈیوٹی شک پڑنے پر اکانومی کلاس کی بوگی نمبر 6 میں شیخوپورہ سے کراچی جانے والے مسافر شاہد کے سوٹ کیس کی تلاشی لی تو اس میں 60 لاکھ روپے سے زائد مالیت کی آئس برآمد ہوئی جس پر ملزم کو گرفتار کرکے رحیم یار خان اسٹیشن پر اتارلیا گیا۔ بعدازاں تھانہ ریلوے پولیس خانپور نے ملزم کے خلاف مقدمہ درج کرکے مزیدتفتیش شروع کردی۔
Source:
جنگ
