لیّہ . علم دشمن جی سی یونیورسٹی کیمپس بارے بے بنیاد خبریں پھیلا رہے ہیں ..عباس بھٹی

لیہ(صبح پاکستان ) چیئرمین العباس ویلفیئر ٹرسٹ،سربراہ جی سی یونیورسٹی فیصل آباد لیہ کیمپس رائے غلام عباس بھٹی نے پریس کانفرنس سے خطاب کرتے ہوئے کہا کہ جی سی یونیورسٹی لیہ کیمپس اپنی کارکردگی ،معیار،تعلیمی نتائج اور ڈسپلن کے اعتبار سے ملک بھر کی یونیورسٹیز میں قابل قدر اور قابل تعریف مقام رکھتا ہے ہائیر ایجوکیشن کمیشن نے ملک کے 9سب کیمپسز کو بند کردیا ہے مگر لیہ سب کیمپس کے عالمی معیار،فیکلٹی اور ڈیپارٹمنٹس کے ماحول نے حکام اور سٹوڈنٹس کو گرویدہ بنایا ہے یہی وجہ ہے کہ لیہ کیمپس کو کام کرنے کی منظوری ملی اور اس وقت جنوبی پنجاب اور صوبہ بلوچستان کے سڑھے آٹھ ہزار سٹوڈنٹس زیر تعلیم ہیں انہوں نے کہا کہ ادارہ کا تعلیمی ماحول پاکیزہ اور مشرقی روایات کے عین مطابق ہے اور یونیورسٹی میں داخلہ جات کے دنوں میں بعض تعلیم دشمن اور دیگر تعلیمی اداروں کی طرف سے پیشہ ورانہ حسد اور تعلیم دشمنی کی نت نئی مثالیں سامنے آتی رہتی ہیں جن میں گھٹیا اور بدترین الزام تراشی تک بھی شامل ہیں انہوں نے کہا کہ جی سی یونیورسٹی فیصل آباد لیہ کیمپس کے خلاف کسی قسم کی جنسی حراسانی کی کوئی درخواست ہے نہ ہی انکوائری کا سوال پیدا ہوتا ہے بعض تعلیم دشمن عناصر اپنے کارندوں کے ذریعہ سے بے بنیاد پراپیگنڈہ مہم جاری رکھے ہوئے ہیں جن کے خلاف قانونی و عدالتی کاروائی کرنے کے تمام پر حق رکھتے ہیں انہوں نے مزید کہا کہ ان کا ادارہ پبلک ادارہ ہے جس کو ہر کوئی ہروقت وزٹ کرسکتاہے اور تعلیمی ماحول بارے کیمپس انتظامیہ اور سٹوڈنٹس سے سوال کرسکتا ہے چیئرمین العباس ویلفیئر ٹرسٹ نے کہا کہ لیہ کی تعمیر وترقی ان کا خواب ہے جس کے تحت لیہ میں جدید ترین فری ہسپتال کا قیام اور میڈیکل کالج کا آغاز آئندہ ہدف ہے جسے پایہ تکمیل تک پہنچایا جائے گا انہوں نے کہا کہ وہ سچے پاکستانی ہیں جو لیہ اور ملک سے 47ہزار پاکستانیوں کو عرب ممالک میں بسلسلہ روزگار لے گئے ہیں اور 7ہزار افراد آئندہ چند ماہ میں دیار غیر شفٹ ہوجائیں گے،مزدور کا بیٹا ہوں چوری کی نہ ہی ڈکیتی کی ہے محنت مزدوری کرکے اس مقام پر پہنچا ہوں اور اپنے ملک اور علاقہ کی آئندہ بھی خدمت کرتا رہوں گا رائے غلام عباس بھٹی نے کہا کہ جی سی یونیورسٹی فیصل آباد لیہ کیمپس میں ان کی بیٹیاں پوتے ،نواسے،نواسیاں زیر تعلیم ہیں بارے کسی قسم کی دروغ گئی تعلیم کی دشمنی کے علاوہ کچھ نہیں ہے۔