لیہ:( صبح پا کستان) مقامی روز نامہ سنگ بے آب کے زیر اہتمام اخبار فروشوں نیوز ایجنٹس مارکیٹنگ مینیجرز اور میڈیانمائندگان کی خدمات کے اعتراف کیلئے تقریب منعقدہوئی ۔تقریب کےمیزبان چیف ایڈیٹر سید عثمان شاہ، ڈسٹرکٹ جب کہ انفارمیشن آفیسر نثار احمد خان،عبدلحکیم شوق،انجم صحرائی،عبدالرحمن فریدی، رانا خالد شوق محمد یعقوب مرزا،قاضی امیر عالم اور عابد فاروقی،تھے۔
قریب کاآغاز تلاوت قرآن پاک اور نعت سے کیاگیاجبکہ میزبانی کے فرائض عبدالروف نفیسی نے سرانجام دیے ۔تقریب سے خطاب کرتے ہوئے مقررین نے کہاکہ تقریب کا انعقاد ایک خوش آئنداقدام ہے ،ایک درست مکمل خبر ہی اس ادارے کی روایت ہے جسے مکمل فرائض کے ساتھ بااحسن طریقہ سے پورا کیا جارہاہے اخبار میں سادہ اسلوب ،اندازبیاں ایک فیملی اخبار کا درجہ رکھتا ہے جو ہرگھر میں مقبول ہے۔مہمانان خصوصی و مہمانان اعزاز نے مزید کہا کہ ادارے کی جانب سے اپنے ورکرز کے اعتراف میں تقریب کا انعقاد ایک منفرد اقدام ہے جس کی جتنی بھی تعریف کی جائے وہ کم ہے۔تقریب میں چیف ایڈیٹر سیدعثمان شاہ نے آنے والے تمام مہمانوں کا شکریہ اداکیا ۔تقریب میں عبدالحکیم شوق،نثار احمد خان،قاضی امیر عالم،زین کھو کھرنے سید عثمان شاہ کی صحافتی خدمات کے اعتراف میں ان کی دستار بندی کی۔تقریب میں صحافتی خدمات کے اعتراف کے طور پر عبدالحکیم شوق، انجم صحرائی ، محمد یعقوب مرزا،عبدالرحمن فریدی،قاضی امیر عالم،ریاض احمد جکھڑ،رانا خالد شوق،فرید اللہ چوہدری،عابد فاروقی،عبدالروف نفیسی،محمد زہین خان،زاہد واندر، مظہر حسین مجو کھوکھر کو اعزازی شیلڈز دی گئیں۔ اسی طرح ضلع بھر کے اخبار فروشوں جن میں زین علی کھوکھر،محمد سمیع اللہ،فخر باجوہ،رانا سلطان محمود،رانا امتیاز،مولوی عبدالرشید،محمد رفیق،اعجاز حسین کھوکھر و دیگر کو بہتر خدمات پر ایوارڈ دیئے گئے۔
