لیہ۔ آئل ٹینکر حادثہ، پولیس کا کوئیک رسپانس،کسی قسم کا جانی و مالی نقصان نہیں ہوا

یہ ( صبح پا کستان )آئل ٹینکر حادثہ،عوام کے جان و مال کے تحفظ کیلئے لیہ پولیس کا کوئیک رسپانس،مختصر وقت میں متعلقہ اداروں کے ساتھ مل کرکامیاب ریسکیو آپریشن مکمل،کسی قسم کا جانی و مالی نقصان نہیں ہوا۔
تفصیلات کے مطابق گزشتہ رات لب نیلم پل کے قریب آئل ٹینکر حادثہ پیش آیا،ڈی ایس پی ٹریفک ریاض حسین و دیگر افسران اطلاع ملتے ہی موقع پر پہنچے،پولیس نے عوام کے جان و مال کے تحفظ کیلئے مخصوص ایریا کو کارڈن کیا اور متعلقہ اداروں کے ساتھ ملک کر ریسکیو آپریشن کیا،ضلعی انتظامیہ،ریسکیو 1122،میونسپل کمیٹی عملہ اور لیہ پولیس نے مختصر وقت میں کامیاب ریسکیو آپریشن مکمل کیا،ڈی ایس پی ٹریفک ریا ض حسین،اے سی لیہ نیاز مغل نے اس موقع پر گفتگو کرتے ہوئے کہا کہ الحمد اللہ اداروں کی بروقت کاروائی سے کسی قسم کا جانی و مالی نقصان نہیں ہوا،آئل ٹینکر میں 40,000لیٹر فرنس آئل تھا،کامیاب آپریشن کے بعد آئل ٹینکر کو بحفاظت کوٹ ادو روانہ کر دیا گیا انہوں نے کہا کہ ڈرائیو ر حضرات شدید بارشوں کے موسم میں دوران سفر انتہائی احتیاط سے کام لیں، شہری حضرات غیر ضروری سفر سے اجتناب کریں۔