لیہ ( صبح پا کستان)دفتر پولیس میں پر موشن بیج لگانے کی تقریب،ڈی پی او لیہ محمد حسن اقبال نے ڈی ایس پی اعجاز احمد کے ہمراہ ترقی یاب ہونے والے پولیس افسرمحمد خالد کو بیج لگائے،محکمہ پولیس میں سروس نہایت مشکل ہے، اس دوران اعصاب شکن حالات کا سامنا بھی کرنا پڑتا ہے،ترقی پولیس افسران کی محنت کا ثمر ہے۔
تفصیلات کے مطابق دفتر پولیس میں پرموشن بیج لگانے کی تقریب کا انعقاد کیا گیا،ڈسٹرکٹ پولیس آفیسر لیہ محمد حسن اقبال نے ڈی ایس پی آرگنائزڈ کرائم اعجاز احمد کے ہمراہ ترقی پانے والے پولیس افسر محمد خالد کو پرموشن بیج لگائے،محمد خالد اے ایس آئی سے سب انسپکٹر کے عہدہ پر ترقی یاب ہوئے ہیں، ڈی پی او لیہ نے ترقی پانے والے محمد خالدکو مبارک دی اور کہا کہ محکمہ پولیس میں سروس کرنا نہایت مشکل ہے،اس دوران اعصاب شکن حالات کا بھی سامنا کرنا پڑتا ہے۔
