لیہ( صبح پا کستان )ضلع لیہ میں بھی ملک بھر کی طرح یوم استحصال کشمیرکے سلسلہ میں ضلعی انتظامیہ کے زیر اہتمام جموں کشمیر میں بھارت کی طرف سے عائد کرفیو ولاک ڈاﺅن کا سال مکمل ہونے کے خلاف معاون خصوصی وزیر اعلی پنجاب سید رفاقت علی گیلانی،صوبائی پارلیمانی سیکرٹری مواصلات سردار شہاب الدین خان سیہڑ، ڈپٹی کمشنر اظفر ضیاءاور ڈی پی اومحمدحسن اقبال کی زیر قیادت ٹی ڈی اے چوک میں علامتی مقام مظفر آبادسے فوارہ چوک میں علامتی مقام سری نگرتک احتجاجی ریلی نکالی گئی ۔
ممبرصوبائی اسمبلی ملک احمدعلی اولکھ ،رہنماپی ٹی آئی بشارت رندھاوا،ملک اویس جکھڑ، ایڈیشنل ڈپٹی کمشنرریونیو فیاض احمدندیم، اسسٹنٹ کمشنر نیاز احمدمغل ، سی او صحت ڈاکٹر امیرعبداللہ سامٹیہ،سی ای اوتعلیم شرافت علی بسرا، ایم ایس ڈی ایچ کیو ڈاکٹر عتیق الرحمان ،ایمرجینسی آفیسر عنایت بلوچ،ڈی ڈی سوشل ویلفیئرمشتاق حسین ،صدربار عبدالستار علوی،ڈی ڈی واٹر مینجمنٹ ریاض کلاسرہ،ڈی ڈی زراعت غلام یاسین واندر،ڈی ڈی کالجز عمیرعاصم،ڈی ایس پی منور بزدار،اقلیتی نمائندہ کامران سہیل، سول سوسائٹی کے اراکین ، انجمن تاجران ، اساتذہ، ریسکیو 1122وسول ڈیفنس کے اہلکار،میڈیا نمائندگان نے شرکت کی۔9بج کر58منٹ پر سائرن بجایاگیا اور ایک منٹ کی خاموشی اختیار کی گئی جبکہ ٹریفک جام اورپاکستان وآزاد کشمیرکے قومی ترانے بجائے گئے۔شرکاءریلی نے بلیک کیپس،ماسک اوربازو پر احتجاجا ًکالی پٹیاں باندھ رکھی تھیں۔ریلی فوارہ چوک پر قائم کیے گئے علامتی مقام سری نگر پر اختتام پذیر ہوئی ۔اس موقع پر معاون خصوصی وزیر اعلی پنجاب سید رفاقت علی گیلانی نے شرکاءریلی سے خطاب کرتے ہوئے کہا کہ دنیا کشمیریوں کی جدوجہد آزادی کا اعتراف کرنے پر مجبور ہو چکی ہے مقبوضہ کشمیرپاکستا ن کا حصہ تھااور رہے گا۔انہوں نے کہا کہ کشمیریوں کو ظلم وبربربت کے ذریعے ان کے بنیادی حق آزادی سے محروم نہیں کیاجاسکتا ۔
شرکاءسے صوبائی پارلیمانی سیکرٹری شہاب الدین سیہڑ نے خطاب کرتے ہوئے کہا کہ بھارت کے مقبوضہ جموں و کشمیر کے لاک ڈاو¿ن کو ایک سال مکمل ہوگیا ہے اور ان مشکل ترین حالات میں بھی کشمیریوں کا عزم اور حوصلہ برقرار ہے۔انہوں نے کہا کہ وزیر اعظم عمران خان کے دلیرانہ فیصلوں اور اقدامات کی وجہ سے کشمیرکاز کو ایک نئی شناخت ملی ہے جو کشمیر کی آزادی پر منتج ہوگی۔ممبرصوبائی اسمبلی ملک احمد علی اولکھ نے خطاب کرتے ہوئے کہا کہ کشمیریوں پر انسانیت سوز مظالم پر بے حسی عالمی برادری کے خلاف چارج شیٹ ہے ۔انہوں نے کہا کہ پوری قوم کشمیری بہن بھائیوں کے ساتھ کھڑی ہے اور ہرمحاذپر ان کی سفارتی اور اخلاقی مدد جاری رکھی جائے گی ۔پی ٹی آئی رہنمابشارت رندھاو ا نے خطاب کرتے ہوئے کہا کہ کشمیری حق خودارادیت کے مطالبے سے ایک انچ بھی پیچھے نہیں ہٹے جہدو جہدآزادی کشمیریوں کا بنیادی حق ہے انہیں اس حق سے محروم نہیں کیاجاسکتا۔ ملک اویس جکھڑنے کہا کہ مسئلہ کشمیر اب ایک المیہ سے بڑھ کر انسانی بحران کی شکل اختیار کر چکا ہے یہ بحران عالمی برادری کی بے حسی کا نوحہ ہے۔اس موقع پر ڈپٹی کمشنر اظفر ضیاءنے میڈیانمائندگان سے گفتگو کرتے ہوئے کہا کہ اہلیان لیہ اورپوری قوم کشمیریوں کے استحصال کی مذمت کرتی ہے اور کشمیریوں پرہونے والے ظلم وستم کے خلاف عالمی برادری کا ضمیر جھنجھوڑنے کے لئے کشمیریوں کے ساتھ کھڑے ہیں۔ کشمیری عوام کی آزادی کو طاقت کے زور پرنہ دبایاگیا ہے اور نہ دبایاجاسکے گا۔انہوں نے کہا کہ کشمیر کے ساتھ ہمارا رشتہ کلمے کی بنیادپر جڑا ہے جو اٹوٹ انگ ہے مقبوضہ کشمیرکی ترجمانی کرتے ہوئے سیاسی و سفارتی حاذ پر کشمیریوں کی حمایت جاری رکھی جائے گی ضلع کی عوام کشمیری عوام کے شانہ بشانہ کھڑی ہے۔ڈسٹرکٹ پولیس آفیسر محمدحسن اقبال نے میڈیانمائندگان سے گفتگو کرتے ہوئے کہا کہ کشمیرپاکستان کی شہ رگ ہے کشمیر پر ظلم کی سیاہ رات جلد چھٹنے والی ہے پاکستا ن کا وجود کشمیرکے بغیر ناممکن ہے کشمیرہماری نظریاتی اساس ہے اور ہمارے نقشے میں شامل ہے کشمیر کی آزادی کا سورج بہت جلد طلوع ہو نے والا ہے۔ریلی میں شرکاءنے کشمیربنے گا پاکستان کے نعرے لگائے گئے اورکشمیریوں پر بھارتی مظالم کی عکاسی کرتے بینر اور پینا فلیکس اٹھا رکھے تھے ۔
