لیہ( صبح پا کستان ) ایڈیشنل ڈپٹی کمشنر جنرل اشفاق حسین سیال کی زیر صدارت ٹائیگرفورس کی گڈگورننس کمیٹی کا اجلاس ڈی سی کمپلیکس میں منعقدہوا ۔ اجلاس میں ضلعی صدرپی ٹی آئی افتخارعلی بابرکھتران ،فوکل پرسن ملک اورنگزیب،ڈسٹرکٹ سیکرٹری ہاشم حسین تھندو دیگرموجودتھے۔اجلاس میں ملک اورنگزیب نے ٹائیگرفورس کی ایڈمنسٹریشن ومختلف سرکاری دفاترکے ساتھ رابطہ کاری،ٹائیگرفورس میں نوجوانوں کی مہارت،تحصیل ویوسی سطح پر کمیٹی کو مزید فعال کرنے،ٹائیگرفورس کی مزیدذمہ داریاں،اے سی آفسز میں فرنٹ ڈیسک کاقیام،کونسلنگ کرنے، مارکیٹوں میں کورونا وائرس سے بچاﺅ بارے آگہی دینے اور دیگر مختلف امور بارے آگاہ کیا۔اے ڈی سی جی اشفا ق سیال نے ٹائیگرفورس کی کارکردگی کو سراہتے ہوئے خدمت خلق کے جذبے سے سرشار ہوکر اس طرح اپنی ذمہ داریاں اداکرنے کی ہدایت کی۔
