ملتان ۔ صوبائی وزیر توانائی کا قرنطینہ سنٹر کا دورہ

ملتان ۔ صوبائی وزیر توانائی ڈاکٹر اختر ملک نے ۔کمشنر اور ڈپٹی کمشنر کے ہمراہ لیبر کمپلکس میں قائم قرنطینہ سنٹر کا اچانک دورہ کیا۔

اس موقع پر صوبائی وزیر نے زائرین کے کھانے،علاج معالجے کی فراہمی کا جائزہ لیا۔انہوں نے کہاقرنطینہ میں ڈیوٹی دینے والےڈاکٹرز،افسران و سٹاف ہمارے ہیرو ہیں۔ کمشنر ملتان ڈویژن شان الحق نے کہا کہ قرنطینہ میں مقیم افراد کو ایک دوسرے سے میل جول کی ہرگز اجازت نہیں ہے۔ ڈپٹی کمشنر عامر خٹک نے بریفنگ دیتے ہوئے بتایا کہ قرنطینہ کی سات بلڈنگز کو آپس میں ڈی لنک کرنے پر غور کیا جارہا ہے۔ قرنطینہ میں 939 مرد، 268 خواتین زائرین مقیم ہیں۔