لیہ۔سی آئی اے سٹاف کی کارروائی،موٹر سائیکل چور گینگ گرفتار , 8موٹر سائیکل، ایک پسٹل برآمد

لیہ(صبح پا کستان)سی آئی اے سٹاف کی کارروائی،موٹر سائیکل چور گینگ گرفتار کرکے 8موٹر سائیکل، ایک پسٹل برآمد کرکے متاثرین کے حوالے کردیں۔

ڈی ایس پی صدر منور بزدار، انچار ج سی آئی اے سٹاف فیاض خان نتکانی، ایس ایچ او تھانہ سٹی لیہ اشرف ماکلی نے پریس کانفرنس کرتے ہوئے کہاکہ لیہ شہر میں گزشتہ کچھ عرصہ سے موٹر سائیکل چوری کی وارداتیں جاری تھیں جس پر سی آئی اے سٹاف نے کارروائی کرتے ہوئے عرفان علیانی گینگ کے تین ملزمان کو گرفتار کر لیا، گرفتار ملزما ن میں عرفان، سجاد اور فریاد شامل ہیں۔ گرفتار ملزمان سے 8موٹر سائیکل، 1پسٹل اور نقدی برآمد کر لی گئی ہے، ڈی ایس پی نے بتایا کہ ملزمان سے برآمد کیا گیا مال مسروقہ متاثرین کے حوالے کردیاگیا ہے، اس موقع پر متاثرین نے چوری شدہ موٹر سائیکل برآ مد کرنے پر ڈی ایس پی منور بزدار، انچارج سی آئی اے سٹاف فیاض خان نتکانی، ایس ایچ او سٹی اشرف ماکلی کو ہار پہنائے جبکہ ملزمان کی گرفتاری پر مٹھائی بھی تقسیم کی گئی۔ انچارج سی آئی اے سٹاف فیاض خان،ملک اشرف دھت نے بتایاکہ موٹر سائیکل چور گینگ گرفتار ہونے سے شہر میں چوری کی کمی کی واداتیں کم ہوئی ہیں،موٹر سائیکل برآمد کرکے واپس دلوانے پر متاثرین نے پولیس افسران کا شکریہ اداکیا۔