لیہ۔ آج 6 مارچ کو سرائیکی اجرک ڈے منایا جائے گا

لیہ(صبح پا کستان)6اپریل سرائیکی اجرک ڈے منایا جائے گا،لیہ میں بھی اس دن کی مناسبت سے مختلف پروگرامز کا انعقاد کیا جائے گا، سیاسی و سماجی رہنما مہرسیف اللہ سمرا نے بتایا کہ سرائیکی وسیب میں کلچر کے فروغ کے لئے مختلف اوقات،میں مختلف پروگرامز مختلف طبقات محدود پیمانے پر کرتے رہتے ہیں اور سرائیکی اجر ک ڈے بھی وسیب کے کلچر کے فروغ کیلئے انہی پروگرام کا حصہ ہے جو گزشتہ سالوں میں محدود پیمانوں پر کیا جاتا تھا مگر اس بار دوستوں کی مشاورت کے بعد اس پروگرام کو بند کمروں، محدود ڈیروں اور ہوٹلوں کی بجائے شہر کے مصروف ترین اور بڑے عوامی چوک پرانا بلوچ اڈہ پر ترتیب دیا گیا ہے جس میں ضلع بھر کے سرائیکی وسیب میں بسنے والے افراد بھر پورشرکت کریں گے، اس پروگرام میں کسی بھی سیاسی جماعت کا جھنڈا نہیں ہو گا بلکہ خالصتا سرائیکی اجر ک کے فروغ کے لئے پروگرام کیا جارہا ہے، اس پروگرام میں سرائیکی جھومر اور سرائیکی اجرک کے علاوہ سرائیکی ریت پر گفتگو اور پروگرام ہو گا۔