کمپوٹرائزڈ لینڈ ریکارڈ سنٹر لیہ میں گھپلے ، انکوائری مکمل ،تحصیلدار سے لینڈ ریکارڈ سنٹر لکا اضافی چارج واپس

کمپوٹرائزڈ لینڈ ریکارڈ سنٹر لیہ میں گھپلے ، انکوائری مکمل ،تحصیلدار سے لینڈ ریکارڈ سنٹر لکا اضافی چارج واپس
لیہ(صبح پا کستان)کمپوٹرائزڈ لینڈ ریکارڈ سنٹر لیہ میں گھپلے،اختیارات کے ناجائز استعمال کی شکایات،ڈائریکٹر انٹی کرپشن ڈیرہ غازیخان نے تحصیل دار لیہ،اسسٹنٹ رجسٹرار کمپوٹرائزڈ سنٹر لیہ کی انکوائری مکمل کرلی،ڈی سی او لیہ نے تحصیلدار لیہ سے انچارج لینڈ ریکارڈ سنٹر لیہ کا اضافی چارج واپس لے لیا تفصیل کے مطابق ڈائریکٹر انٹی کرپشن ڈیرہ غازیخان امجد شعیب ترین نے مقامی شہری کی درخواست پر تحصیل دار لیہ/انچارج لینڈ ریکارڈ کمپوٹرائز سنٹر ملک محبوب اقبال ہنجرا،اسسٹنٹ لینڈ ریکارڈ رانا عبدالستار سے درخواست دہندہ کی طرف سے عائد کردہ الزامات پر جواب طلب کیا ریونیو افسران لیہ نے عائد کردہ الزمات پر ڈائریکٹر انٹی کرپشن ڈیرہ غازیخان کو تفصیلی مؤقف سے ؤگاہ کیا ،علاوہ ازیں ڈی سی او لیہ رانا گلزار احمد نے عوامی شکایات پر ملک محبوب اقبال ہنجرا سے انچارج لینڈ ریکارڈ سنٹر لیہ کی اضافی ڈیوٹی واپس لے لی،انٹی کرپشن لیہ نے طاہر اقبال کی درخواست پر اسسٹنٹ کمشنر لیہ ،سابق تحصیلدار لیہ ملک مصطفیٰ کریم،ارشاد حسین پٹواری،افتخار احمد،عبدالغفار،عبدالستار،محمد اسحاق،عبدالرزاق وغیرہ نے ملی بھگت کرکے درخواست دہندہ کو جعلی دستاویزات پر اراضٰ فروخت کر کے4کروڑ روپے کا نقصان پہنچایا ہے انٹی کرپشن لیہ نے سرکاری اہلکاروں و پرائیویٹ شہریوں کے خلاف مقدمہ درج کرکے تفتیش شروع کردی۔
رپورٹ ۔ عبد الرحمن فریدی پریس رپورٹر