لیہ:( صبح پا کستان)ضلعی صدر پاکستان تحریک انصاف افتخار علی خان بابرکھیتران نے کہا کہ وزیر اعظم عمران خان نجات دہندہ ہیں۔قائد اعظم کے بعد عمران خان نے قوم کو متحدکرنے اور ترقی کی طرف لانے میں کامیاب ہوگئے ہیں۔
پاکستان تحریک انصاف وفاق کی علامت بن گئی ہے ۔پاکستان کو دنیا کا ترقی یافتہ ملک بنانے کے لئے تمام ترکوششیں بروئے کار لائیں گے۔انہوں نے یہ بات اپنے دفتر میں ملاقات کے دوران کہی۔ضلعی صدرنے کہا کہ وزیر اعظم کاوژن ملک کو باوقار بنانا ہے جس کے لئے وہ دن رات کوشاں ہیں۔انہوں نے کہا کہ اقرباءپروری اور کرپشن ہمارے معاشرے میں سرائیت کرجانے والے دیرینہ ناسور ہیں جن کا خاتمہ بتدریج جاری ہے ۔افتخار علی خان بابر نے کہا کہ پاکستان تحریک انصاف پہلے سے زیادہ مضبوط اور منظم ہوچکی ہے اور عام آدمی تک رسائی کے ذریعے انہیں مستفید کیاجائے گا۔انہوں نے مزید کہا کہ وزیر اعلی عثمان بزدار صوبہ کی بہتری کے لئے گراں قدر اقدامات اُٹھارہے ہیںاور پارٹی قائدین سمیت ورکرز کو ان پر بھرپور اعتماد ہے ۔ضلعی صدر نے کہا کہ ضلع لیہ کی فلاح و بہبود کے لئے مقامی ممبران اسمبلی کی مشاورت سے بہتر لائحہ عمل تیارکیاجارہا ہے
