لاہور . تحریک انصاف کے ناراض اراکین اسمبلی کا کہنا ہے کہ وزیر اعظم نیا وزیر اعلیٰ نامزد کریں تو وہ اس کو سپورٹ کریں گے۔
نجی ٹی وی سماءسے گفتگو کرتے ہوئے ناراض رکن غضنفر چھینہ نے کہا کہ وزیر اعلیٰ کی تبدیلی کی ہوا غلط چل رہی ہے، وزیر اعلیٰ سے ناراض ہیں کیونکہ ہمیں مطلوبہ فنڈز نہیں مل رہے، ہمیں یہ بھی گلہ ہے کہ وزیر اعلیٰ اپنے اختیارات استعمال کریں۔
ناراض گروپ کے شہاب الدین نے کہا کہ حلقوں کیلئے ترقیاتی فنڈز نہ ملنے پر تحفظات ہیں، ہم وزیر اعظم کے فیصلے کی تعمیل کریں گے، وزیر اعظم نیا وزیر اعلیٰ نامزد کریں تو اس کو سپورٹ کریں گے۔
کیا پرویز الہٰی کو بطور وزیر اعلیٰ ووٹ دیں گے؟ اس سوال کے جواب میں تحریک انصاف کے ناراض ارکان نے مسکراہٹ کے ساتھ جواب دیا۔
Source:
ڈیلی پاکستان آن لائن
