ملتان ۔ پنجاب بھر کے 37ہزار سے زائد سکیل 16کے ایجوکیٹرز اور اے ای اوز تاحال مستقل نہیںہوسکے ،
متحدہ اساتذہ محاذ نے انہیں مستقل کرنے کامطالبہ کردیا،اس بارے متحدہ اساتذہ محاذ کی جانب سےحکومت کو ارسال کئے گئے مراسلے میں کہاگیا ہے کہ بھرتی ہونے والے 37 ہزار ایجوکیٹر اس وقت شدید ذہنی کرب میں مبتلا ہیں ان کو مقررہ ایس او پیز پورے کرنے کے باوجود بھی مستقل نہیں کیا جارہا ہے جبکہ 2018ءمیں ان اساتذہ نے اپنا ٹیسٹ بھی پاس کرلیا تھا، ایک طرف محکمہ سکول کواساتذہ کی کمی کا سامنا ہے اوہ مزید بھرتی کا سوچ رہی ہے دوسری طرف یہ اساتذہ تاحال مستقل نہیں ہوسکے، لہذا حکومت فوری طور پر مذکورہ ایجوکیٹرز اور اے ای اوز کو مستقل کرنے کے احکامات جاری کرے ۔
Source:
جنگ
