لاہور ۔ صوبائی دارالحکومت لاہور سمیت ملک کے مختلف شہروں میں زلزلے کے شدید جھٹکے محسوس کیے گئے، جس سے لوگوں میں خوف وہراس پھیل گیا۔
زلزلہ محسوس ہوتے ہی عوام کی بڑی تعداد خوف کے مارے کلمہ طیبہ کا ورد کرتے ہوئے گھروں اور دفاتر سے باہر نکل آئی۔ زلزلے سے لاہور کے علاقہ فیروز پور روڈ کے علاقے سلمان پارک میں کام کے دوران دو مزدور اونچائی سے گر گئے۔ زخمی ہونے والوں میں 45 سالہ غلام نبی اور 42 سالہ وریان شامل ہیں۔ ریسکیو کی ٹیم نے دونوں کو فوری جنرل ہسپتال منتقل کر دیا۔ ادھر لاہور کے علاقہ لوہاری گیٹ میں زلزلہ کے دوران سیڑھیوں سے گر کر زخمی ہونے والے بچے کو میو ہسپتال منتقل کر دیا گیا ہے۔
Source:
لا ہور نیوز
