لیہ( صبح پا کستان )حکومت پنجاب کاشتکاروں کی مکمل فلاح پر یقین رکھتی ہے ۔گندم کی امدادی قیمت سے کسانوں کا خاطر خواہ فائد ہوگا۔شوگرملز میں کرشنگ شروع کروانے کے لیے پانچ افسرا ن پر مشتمل کمیٹی قائم کردی ہے ۔یہ بات ڈپٹی کمشنر اظفر ضیاءنے ضلعی زرعی مشاورتی و ٹاسک فورس سب کمیٹی کے اجلاس کی صدارت کرتے ہوے کہی۔اس مو قع پراے ڈی سی جی مشتاق حسین سیال ، ڈی ڈی زراعت غلام یاسین واندر ،ایکسین میپکوبلال خان،اے ڈی واٹر مینجمنٹ ریاض کلاسرہ،ایڈیشنل ڈائریکٹر لائیوسٹاک ڈاکٹر طارق گدارہ،اے ڈی سائل کیمسٹ محمداشرف بھٹی،ایکسین انہار محمدنواز بھٹی ،کاشتکاروں نمائندوں چوہدری محمدیونس ،محمدشفیق ،پیسٹی سائیڈ ڈیلرمظہر حسین موجود تھے۔ڈپٹی کمشنر نے کہا کہ کاشتکاروں کو کھادوں ،بیج اور بجلی میں حکومتی سبسڈی سے مستفیدکرنے کے لیے منظم بنیادوں پر پنجاب انفارمیشن ٹیکنالوجی بورڈ سے موثر رابطے کے ذریعے مستفید کیاجائے گندم کی کاشت کے لیے منظور شدہ بیج کی مارکیٹ میں فراہمی کو یقینی بنائیں ۔ڈپٹی کمشنر نے کہا کہ لیہ تھل کینال کی ری ماڈلنگ کے سلسلہ میں اعلی حکام سے دوبارہ رابطہ کیا جائے گاتاکہ ضلع میں ایک ہز ار سے زائد رقبہ کو قابل کاشت بنایاجاسکے۔انہوں نے ہدایت کی کہ زرعی آلات ،نئے کھال کی تعمیرو مرمت اور پولٹری یونٹ کی فراہمی کو میرٹ اور شفاف انداز میں یقینی بنایاجائے اور اس سلسلہ میں بھر پور آگہی مہم چلائی جائے ۔انہوں نے مزیدہدایت کی کہ جعلی زرعی ادویات اور نامیاتی مادوں کے داخل دفتر کیسز کو ازسر نو دیکھاجائے اور ان کی مکمل پیروی کی جائے۔اجلاس میں ڈپٹی ڈائریکٹر زراعت غلام یاسین ودیگر افسران نے اپنے محکموں سے متعلق بریفنگ میں کاشتکاروںکو بجلی اور پانی کی فراہمی،آبپاشی کے لیے اصلاح کھالہ جات وڈرپ ایری گیشن سسٹم،زرعی زمینوں و پانی کا تجزیہ ،فصلات کی موجودہ صورت حال،زرعی مداخل کی قیمتوں کا جائزہ،زرعی ترقیاتی پروجیکٹس کی صورت حال ،کھاد بیج ادویات کی مارکیٹ میں فراہمی،نمونہ جات کے حصول،فیل شدہ نمونوں پرکی گئی کارروائی ،زرعی قرضہ جات کی فراہمی ایسے معاملات کے بارے میں بتایا۔ کاشتکار نمائندوں ،چوہدری محمدیونس ،مظہر حسین جعفری،محمدشفیق ودیگر نے کسانوں کو درپیش مختلف مسائل سے آگاہ کیا
