لاہور ۔ مسلم لیگ ن کا احتجاج رنگ لے آیا، پنجاب اسمبلی میں اپوزیشن لیڈر حمزہ شہباز اور خواجہ سلمان رفیق کے پروڈکشن آرڈر جاری کر دیئے گئے۔ دونوں رہنما اٹھارہ نومبر سے شروع ہونے والے اجلاس میں شرکت کر سکیں گے۔
لاہور میں میڈیا نمائندوں سے گفتگو میں ان کا کہنا تھا کہ ایک شخص کی زندگی موت کا مسئلہ ہے۔ عدالت نے بھی نواز شریف کی صحت کی سنگینی کا ادراک کیا ہے۔ اللہ سے امید ہے کہ نواز شریف کو عدالت سے ضرور ریلیف ملے گا۔
احسن اقبال نے کہا کہ حکومت کو نواز شریف کی صحت سے نہیں اپنے بیانیے سے دلچسپی ہے۔ نواز شریف کا جلد علاج کے لیے بیرون ملک جانا ضروری ہے۔
ملکی معیشت پر بات کرتے ہوئے انہوں نے کہا آج اگر حکومت رخصت ہو تو پیچھے ریکارڈ خسارہ چھوڑ کر جائے گی۔ پاکستان پر قرضوں کا بوجھ دوگنا ہو چکا ہے۔
ان کا کہنا تھا کہ عمران خان لوگوں کو گمراہ نہ کریں، سیاست سے انسانیت کو جدا نہ کریں۔ ہمیں ایسے رویے رکھنے کی ضرورت ہے جس سےتحمل کی سیاست کو فروغ ملے۔ نفرت کی آگ اتنی نہ بھڑکائیں جو آپ کے دامن تک بھی پہنچ جائے۔
