لیہ(صبح پا کستان )ڈائریکٹر انفارمیشن بہاولپور رانا اعجاز محمود کی ڈسٹرکٹ پریس کلب لیہ آمد، صدر ڈسٹرکٹ پریس کلب عبدالرحمن سمیت دیگر صحافیوں سے ملاقات کی،
اس موقع پر گفتگو کرتے ہوئے رانا اعجاز محمود کا کہنا تھا کہ انہوں نے 23 سال لیہ میں گزارے اور یہ دیکھا کہ مسائل اجاگر کرنے میں ڈسٹرکٹ پریس کلب لیہ کو بڑا کردارہا ہے، انہوں نے کہا کہ لیہ نے جہاں بڑے نامور صحافی پیدا کئے وہیں جرات مندانہ اور مثبت صحافت کو فروغ دیا، رانا اعجاز محمود کا کہنا تھا کہ محدود وسائل کے باوجود ڈسٹرکٹ پریس کلب لیہ میں کانفرنس ہال کی تعمیر مکمل کرنے کے لئے تگ و دو کرنا موجودہ عہدیداران کا بڑا کارنامہ ہے جس کے لئے وہ مبارکباد کے مستحق ہیں ،انہوں نے کہا کہ ریٹائرمنٹ کے بعد خواہش ہے کہ ڈسٹرکٹ پریس کلب لیہ کی تاحیات ممبرشپ حاصل کروں ،ڈسٹرکٹ پر یس کلب آمد پر صدر عبدالرحمن فریدی نے رانا اعجاز محمود کا شکریہ ادا کیا اور ان کے لئے نیک خواہشات کا اظہار کیا،ملاقات کے دوران ملک فہیم منجوٹھہ، احسن باجوہ، اظہر زیدی، مہر زاہد واندر اور دیگر بھی موجود تھے
