لیہ(صبح پا کستان) انجمن تاجران الیکشن، تاجروں میں تاجر کارڈ تقسیم کرنے کاسلسلہ جار ی ہے، گزشتہ روز صدر انجمن تاجران ملک مظفراقبال دھول، چیئر مین رکنیت ساز کمیٹی ملک اخترا قبال، ممبر محسن رضا اعظمی نے چوبارہ روڈ کے تاجروں میں تاجر کارڈ تقسیم کئے ۔ صدر انجمن تاجران ملک مظفرا قبال دھول نے بتایا کہ تاجروں کو شناخت دینے کے حوالے سے تاجر کارڈ بنائے گئے ہیں تاکہ تاجر کسی بھی جگہ پر اپنی شناخت کرواسکیں ،
انہوں نے بتایا کہ اب تک 2ہزار تاجروں کو تاجر کارڈ فراہم کئے جاچکے ہیں جبکہ باقی تاجروں کی کارڈ بن چکے ہیں اور جلد ایک بڑی تقریب میں تقسیم کئے جائیں گے، ملک اختر نے بتایا کہ تاجر کارڈ سے جہاں تاجروں کی شناخت ہو گی وہیں الیکشن کے دنوں میں تاجروں کے ووٹ کے اندراج سمیت ووٹ کاسٹ کرنے میں بھی کوئی مشکلات پیش نہیں ا;63;ئیں گی، اس موقع پر تاجروں نے تاجر کارڈ کے اجرا کو خوش آئند قرار دیتے ہوئے مستقبل کے لئے اچھا عمل قرار دیا ۔
