ملتان ۔ پیپلز لائرزفورم پنجاب اور ملتان ڈویژن کے عہدیداروں ملک طارق سعید ، طارق خان ، عمران انصاری ،ندیم پاشا ، یوسف رضا نقوی، بابر حفیظ ، محمد یونس چوہان نے پر یس کانفرنس کرتے ہوئے کہا کہ بلاول بھٹو 6نومبرکو ہائیکورٹ ملتان بنچ میں وکلا سے خطاب کریں گے ،
اس موقع پرپی ایل ایف کے عہدیدار اورارکان ان کا بھر پور استقبال کریں گے، پی ایل ایف کےارکان سےکہا کہ وہ پی ایل ایف کی بذات خود تنظیم سازی کریں تا کہ پیپلز پارٹی کو پنجاب میں موثر کیا جا سکے، ق لیگ اور دوسری پارٹیوں سے آئے ہوئے جعلی ارکان کو پی ایل ایف کے عہدوں سے ہٹایا جائے جو کہ پارٹی کے خیر خواہ نہیں اور پارٹی میں انتشار کا مؤجب بن رہے ہیں پیپلز پارٹی کے نظریاتی پروگرام کو نقصان پہنچا رہے ہیں ، اس موقع پر سابق جنرل سیکرٹری ڈسٹرکٹ بارانیس مہدی، سابق فنانس سیکرٹری فہیم گردیزی ،سابق لائبریری سیکرٹری مہر خرم حسین ، اصغر لودھی ، مجید لودھی، عابدجوئیہ، نوید شاہ، چوہدری طارق ، محمد طارق جلیل ، شاہد نذیر و دیگر شریک تھے۔
