کروڑ لعل عیسن میں وزیر اعظم میگا سپورٹس ایونٹ کی تقریب تقسیم انعامات

لیہ( صبح پا کستان )ضلع لیہ میں کھیلوں کے فروغ ،کھلاڑیوں کو مواقع فراہم کرنے ، ،سٹیڈیم و گراونڈکی درستی اور مزید سہولیات کی فراہمی کے لیے ترقیاتی منصوبوں پر کام جاری ہے تاکہ شہریوں کو کھیلوں کے مقابلوں کے ذریعے تفریحی سہولیات فراہم کی جاسکے ۔ یہ بات ڈپٹی کمشنر ذیشان جاوید نے کروڑ لعل عیسن میں وزیر اعظم میگا سپورٹس ایونٹ کے فائنل مقابلوں کے موقع پر تقریب تقسیم انعامات سے خطاب کرتے ہوے کہی ۔ ایم این اے عبدالمجید خان نیاز ی ہمراہ تھے ۔ اس موقع پر رسہ کشی ،کبڈی کے مقابلے منعقدہوئے ۔ ڈپٹی کمشنر اور ایم این اے نے جیتنے والی ٹیموں میں انعامات تقسیم کیے جبکہ ایم این اے ملک عبدالمجید خان نیاز ی نے کھلاڑیوں کو ٹریک سوٹ دینے کا اعلان کیا ۔ اے سی کروڑ فاروق احمد ،ڈی ایس او امتیاز بھٹی موجود تھے ۔ میچوں کو شائقین کی کثیرتعداد دیکھا ۔