لاہور ۔ میاں نواز شریف کا مولانا فضل الرحمن کو خط، جے یو آئی ذرائع کے مطابق نواز شریف کا خط مولانا فضل الرحمن کو موصول ہو چکا ہے، خط کا متن ہے کہ مسلم لیگ ن آپکے ساتھ ہے، آزادی مارچ میں بھرپور شرکت کریں گی۔
میاں نواز شریف کا خط میں کہنا تھا موجودہ حکومت دھاندلی زدہ ہے۔ حکومت کے خاتمے تک نون لیگ جے یو آئی (ف) کے ساتھ ہے۔
دوسری طرف شہباز شریف اپنے بڑے بھائی نواز شریف سے ملنے جیل نہ جا سکے۔ شہباز شریف نے آزادی مارچ کے حوالے سے ان سے پارٹی سفارشات کی منظوری حاصل کرنا تھی۔
مسلم لیگ (ن) کی جانب سے آزادی مارچ کے حوالے سے مختلف پارٹی اجلاسوں میں مشاورت کا سلسلہ جاری ہے۔ تاہم پارٹی صدر کی حیثیت سے شہباز شریف کی جانب سے باضابطہ کسی فیصلے کا ابھی اعلان نہیں کیا جا رہا۔
