لیہ:( صبح پا کستان ) سٹار ٹیچر ایوراڈ مسلسل تین سال حاصل کرنا شعبہ تعلیم کے اساتذہ کے لیے ایک بڑا اعزاز ہے ۔
یہ بات ڈپٹی کمشنر ذیشان جاوید نے سلام ٹیچر ڈے کے موقع پر بہتر کارکردگی کے حامل اساتذہ ،ہیڈ مسٹریس ،ہیڈ ماسٹر میں شیلڈز و سرٹیفکیٹ تقسیم کرنے کے موقع پر کہی ۔ ایم این اے ملک نیاز احمدجکھڑ ہمراہ تھے ۔ ڈی ڈی تعلیم توکل حسین نے تقریب میں بتایا سال کہ 2017تا 2019کے میٹرک امتحانات میں گورنمنٹ گرلز ہائی سکول شوگر ملز نے نمایاں پوزیشن حاصل کی جس کی بدولت سینئرہیڈ مسٹریس گرلز ہائی سکول شوگر ملز غزالہ ممتاز مسلسل تین سالوں سے سٹارہیڈ مسٹریس ایور اڈ حاصل کررہی ہیں اورسکول میں سال 2017ء میں مس جویریہ آرزو ،سال 2018 میں دردانہ نور اور 2019 میں فرحانہ کنول نے میٹرک لیول جبکہ مڈل لیو ل میں شہناز کوثر نے بھی سٹار ٹیچر ایور ڈ حاصل کیا ہے ۔ ڈپٹی کمشنر ذیشان جاویدا ور ملک نیاز احمدجکھڑ نے مسلسل تین سال سٹار ہیڈ مسٹریس اور سٹار ٹیچر ایوراڈ حاصل کرنے پر انہیں مبارک باد دی ا اور خراج تحسین پیش کیا جس پر تمام شرکاء نے کھڑ ے ہوکر اعزاز بخشا ۔
