لیہ مضافات کی خبریں رپورٹ ۔ زاہد واندر پریس رپورٹر

چیئر مین جانی خان تنگوانی کا بائی پاس آپریشن کامیاب
کوٹ سلطان(صبح پا کستان) دل کا دورہ پڑنے پرچیئر مین یونین کونسل کوٹ سلطان سٹی سردار جانی خان تنگوانی کا دل کا بائی پاس کامیاب ، چیئر مین آئی سی یو منتقل کر دیئے گئے،دوستوں ، شہریوں کی دعاصحت۔ تفصیل کے مطابق یونین کونسل کوٹ سلطان سٹی کے چیئر مین سردار جانی خان تنگوانی جن

کو تین روز قبل دل کا دورہ پڑ تھا جن کو بعد ازاں ڈسٹرکٹ ہیڈ کوارٹر ہسپتال لیہ سے پرویز الہی کارڈیولوجی انسٹی ٹیوٹ ملتان بائی پاس کے لئے منتقل کر دیا گیا تھا۔ چیئر مین جانی خان تنگوانی کا گزشتہ روز دل کا بائی پاس آپریشن کامیاب رہا اور ان کو آئی سی یو میں منتقل کر دیا گیا۔ دوستوں سیاسی و سماجی رہنما مہر اصغر پپو ونجھیرہ، اللہ نواز سرگانی، زاہد واندر، حسیب خان و یگر نے چیئر مین جانی خان کی مکمل صحت یابی کے لئے دعا کی ہے۔

دیور نے بھابھی کو قتل کر دیا
لیہ(صبح پا کستان)گھریلو جھگڑے پر دیور نیبھابھی کو قتل کر دیا۔ تھانہ پیر جگی شریف کی حدود میں موضع پناہ کھرل غربی میں ریاض احمد کی بیوی منور بی بی کو دیور خدابخش نے رات گئے گھریلو جھگڑے پر گولی مار کر قتل کر دیا۔ گونگی ، بہری منور بی بی گزشتہ سات ماہ سے گھریلو جھگڑے کے باعث اپنے والدین کے ہاں ٹھہری ہوئی تھی اور گزشتہ رات منوربی بی کے دیور خدابخش نے رات گئے بھابھی منور بی بی کو گولی مار کر قتل کر دیا۔ تھانہ پیر جگی پولیس نے مقتولہ کی لا ش کو پوسٹمارٹم کے لئے تحصیل ہیڈ کوارٹر ہسپتال کوٹ سلطان منتقل کر دیا جبکہ منور بی بی کی والد ہ تسلیم بی بی کی مدعیت میں تھانہ پیر جگی میں خدابخش کے خلاف اندارج مقدمہ کے لئے درخواست بھی گزار دی اطلاعات کے مطابق تاحال ملزم فرار ہے جس کی گرفتار ی کے لئے چھاپے جاری ہیں۔

فیس لے کر بھی بچوں کے نام، درج نہ کئے
لیہ(صبح پا کستان) 2012میں یونین کونسل لدھانہ میں بچوں کے نام درج کروائے اور 800روپے فیس بھی دے کر رسید بھی حاصل کی مگر جب کچھ دن قبل برتھ سرٹیفیکیٹ لینے تو کسی بھی بچے کا نام درج نہ تھا یہ بات لدھانہ کے رہائشی محمد اشرف ولد محمد صدیق نے میڈیا کو بتائی ۔ ۔ متاثرہ شخص نے الزام عائد کیا کہ سیکرٹری نے پہلے بھی متعدد لوگوں سے اندراج تاریخ پیدائش کے نام پر پیسے بٹورے مگر اندراج نہ کیا ۔ اس نے ڈی سی او لیہ رانا گلزار احمد سے مطالبہ کیا کہ مذکورہ سیکرٹری کے خلاف کارروائی کرتے ہوئے اس کا مسئلہ حل کیا جائے۔

جمن شاہ انجمن تاجران انتخابات ،الیکشن کمیٹی کا اجلاس جمعہ کو طلب
کوٹ سلطان(صبح پا کستان) جمن شاہ میں انجمن تاجران کے انتخابات کے لئے کنونیئر جمیل احمد ڈونہ نے الیکشن کمیٹی کا اجلاس جمعہ کو طلب کر لیا۔ انہوں نے میڈیا سے گفتگو کرتے ہوئے کہاکہ تاجران الیکشن کی آئینی مدت مکمل ہو چکی ہے اور الیکشن کے لئے تمام انتظامات کو حتمی شکل دی جارہی ہے جس کے لئے جمعہ کو الیکشن کمیٹی کا اجلاس ہو گا جس میں تاجروں کی تجاویز کے مطابق الیکشن کے انعقاد کو یقینی بنایا جائے گا۔ جمیل احمد ڈونہ نے کہاکہ تاجراپنے حقوق کے لئے کسی کی باتوں پر کان دھرنے کی بجائے الیکشن کی تیاری کریں۔