لیہ ۔ کوٹ سلطان ،چوک اعظم ،چوبارہ ،فتح پور ،کروڑ سمیت ضلع بھر میں ٹارگٹ صفائی مہم کا آغاز

لیہ(صبح پا کستان )وزیر اعلی پنجاب سردار عثمان بزدار کے کلین گرین پنجاب ویژن کی تکمیل کے لیے صوبہ بھر میں صاف ماحول ،انسداد ڈینگی ،فراہمی و نکاسی آب کے بہتر انتظامات ،کوڑا کرکٹ کے خاتمے کے لیے منظم بنیادوں پر صفائی مہم شروع کردی گئی ہے ضلع لیہ میں ٹارگٹ صفائی مہم بھی اسی سلسلہ کی عملی کڑی ہے ۔ یہ بات معاون خصوصی وزیرا علی پنجاب سید رفاقت علی گیلانی نے ٹی ڈی اے چوک میں صفائی مہم کے آغاز کے موقع پر کہی ۔ ایم این اے ملک نیاز احمدجکھڑ ،ڈپٹی کمشنرذیشان جاوید ہمراہ تھے ۔ ایڈمنسٹریٹرفیاض احمد ندیم نے ڈپٹی کمشنر کوپہلے مرحلے میں ایک ماہ کے ٹارگٹ صفائی پلان سے آگاہ کیا ۔ ڈپٹی کمشنرذیشان جاوید نے سینٹری ورکرز سے کہا کہ وہ اپنا کام دیانتدار ی سے سرانجام دیں اور صفائی کے کام کو اسطرح کریں کہ وہ نظر آنا چاہیے اور بہتر کارکردگی پر انہیں انعامات دیے جائیں گے ۔ ملک نیاز احمدجکھڑ نے کہا کہ صاف ماحول کی فراہمی سے بیماریوں پر قابو پانے میں مدد ملے گی جو انسداد ڈینگی مہم کی کامیابی بھی ہیں ۔ اسی طرح صفائی مہم کے سلسلہ میں کوٹ سلطان ،چوک اعظم ،چوبارہ ،فتح پور ،کروڑ میں بھی ٹارگٹ صفائی مہم کا آغاز کیاگیا ۔ ۔ بعدازاں ڈپٹی کمشنر ذیشان جاوید نے موضع راکھواں کروڑ میں دریائے سند ھ کے کٹاءو کا معائنہ کیا ۔ اس موقع پر اے سی کروڑ فاروق احمد،ایکسین انہار طارق عزیز نے ڈپٹی کمشنر کو دریائی کٹاءو سے بچاءو کے لیے سٹڈ بندوں کی تعمیر کے منصوبے سے آگاہ کیا ۔ ڈپٹی کمشنر نے موقع پر موجود متاثرین سے کہا کہ حکومت دریائی کٹاءو کوروکنے کے لیے فوری اقدامات عمل میں لارہی ہیں اور ضلعی انتظامیہ ،محکمہ انہار اس سلسلہ میں چوبیس گھنٹے رابطہ میں ہیں آپ اپنے کو تنہا نہ سمجھیں ۔ بعدازاں ڈپٹی کمشنر نے ایل آر ایم سنٹر کروڑ کا معائنہ کیا ۔ وہاں پر موجود مرد و خواتین کاشتکاروں سے مسائل سنے ۔ سنٹرزکے تمام کاونٹرزکا معائنہ کرتے ہوئے سختی سے ہدایت کی کہ کاشتکاروں کو بلاتفریق و بلاتاخیر سہولیات فراہم کی جائیں ایک شکایت پر ڈپٹی کمشنر نے اے سی کروڑ کو انکوائری کی ہدایت کی ۔ انہوں نے سنٹر انچارج کو ٹوکن کے مطابق میرٹ پر کام کرنے کی ضرورت پر زوردیا اور تنبیہ کی کہ کسی قسم کی کرپشن کی شکایت پر انہیں ہرگز معاف نہ کیاجائے گا