لیہ( صبح پا کستان ) کھلی کچہریاں عوامی مسائل کی نشاندہی ،اداروں سے متعلقہ مسائل اور اُن کے حل کے لیے بہتر رابطہ کاری کا کام کررہی ہیں اور شہریوں کو مختلف محکموں میں درپیش متعلقہ مسائل کو فوری طور پر حل کرکے ریلیف کا اہم ذریعہ ہیں ۔ یہ بات اے ڈی سی آر میاں فیاض ندیم اورڈی پی او عثمان اعجاز باجوہ نے ہفتہ وار کھلی کچہری کے موقع پرکہی ۔ کھلی کچہری میں راشدہ بی بی ،منیر سیہڑ،محمداسلم،منظور حسین،محمداعظم خان ،خالق داد،بشیر بی بی،خلیل احمدنے قبضہ واگزار کرانے،ونڈا جات کی تکمیل ،سرکاری قابضین سے واگزار کرانے ،گلی میں نکاسی آب کی سہولت فراہم کرنے اور پلاٹ پر قبضہ کرنے سے متعلقہ معاملات کے بارے میں درخواستیں پیش کیں جن کے حل کے لیے اے ڈی سی آر و ڈی پی او نے اے سی لیہ وکروڑ ،ایس ایچ او چوک اعظم و کروڑ کو فوری طور پر حل کرنے کے بارے میں احکامات جاری کیے ۔
