ڈیرہ غازیخان(صبح پا کستان)کمشنر ڈیرہ غازیخان ڈویژن اسد اللہ فیض نے کہا ہے کہ مکس سروے سے آئندہ کی حکمت عملی مرتب کرنے میں ا ٓسانی ہو گی ;252;اضلاع کے باہمی موازنہ کیلئے اعداد و شمار کتابچے کا کردار ادا کریں گے ;. انہو ں نے یہ بات ضلع کونسل ہال میں ادارہ شماریات وپلاننگ اینڈ ڈویلپمنٹ بورڈ پنجاب کے زیر اہتمام ملٹی پل انڈیکٹر کلسٹر سروے پنجاب 2017-18کی تقریب رونمائی سے بحیثیت مہمان خصوصی خطاب کرتے ہوئے کہی ;252; تقریب کا انعقاد یونیسف کے اشتراک سے کیاگی.انہوں نے کہاکہ اعداد و شمار کے تجزیہ اوراس کی روشنی میں پائیدار ترقی کے اہداف اور بہتر سہولیات کی فراہمی کے منصوبوں کی پلاننگ اور ان پر عملدرامد میں معاونت ملے گی ۔ سروے کے اعداد و شمار سے استفادہ کیا جائے گا ۔ قبل ازیں ڈائریکٹرجنرل بیورو آف سٹیٹیسٹیکس پلاننگ اینڈ ڈویلپمنٹ بورڈ پنجاب ساجد رسول نے تقریب سے خطاب کرتے ہوئے کہا کہ مکس سروے کے اعداد شمار اکھٹا کرنے لیے مختلف آٹھ کلسٹر میں 210 اشارات پرمبنی سوال نامہ کا فاریٹ سامنے رکھا گیا ۔ یہ پنجاب کا پانچواں سروے ہے ۔ انہوں نے کہا کہ ایریاز کی شناخت کے بعد سیمپلنگ کی گئی جس میں اربن و رورل ایریا کے علاوہ جینڈر کو کو بھی مدنظر رکھا گیا ۔ اس دوران مختلف پریذنٹیشنز کے ذریعے ڈیرہ غازیخان ڈویڑن میں سماجی شعبوں بالخصوص بچوں اور خواتین کی صحت و تعلیم‘ پینے کے صاف پانی ‘ خوراک و رہائشی سہولیات کے اعشاریوں سے متعلق سروے کے نتاءج پیش کئے گئے ۔ مکس سروے کے اعشاریوں کے متعلق ڈویژن اور ضلعی سطح پر بنیادی معلومات اور اعداد و شمار فراہم کی گئیں جس کی بدولت ڈویژنل و ضلعی انتظامیہ کو سماجی شعبے کی ترقی و استحکام کے لئے منصوبہ سازی میں خاطر خواہ مدد ملے گی ۔ یونیسیف کے نمائندہ عثمان غنی نے تقریب سے خطاب کرتے ہوئے کہا کہ ڈیٹا اکٹھاکرنا اوراس کوقابل اعتماد بنانے کے لیے اس کی مختلف ذراءع سے تصدیق کرائی گئی جوکہ اس کی خاصیت ہے ۔ انہوں نے کہا کہ تبدیلی ہر شعبہ میں جبکہ تعلیم اور سماجی شعبہ میں بہت ضروری ہے ۔ اور شماریات کا محکمہ نے با اعتماد ڈیٹا دے کر تبدیلی کو ممکن بنایا ہے ۔ انہوں نے کہا کہ پاکستان دنیا کا چوتھا ملک ہے جس نے مکس سروے مکمل کیا ہے ۔ اور یہ گلوبل سروے ہے یونیسیف اس کومختلف معاملات خاص طور پر ٹیکنیکی بنیادوں پر معاونت کرتی ہے ۔ انہوں نے کہا کہ دیگر معاملات کے علاوہ پیداواری صلاحیت کو بڑھانے میں بھی مدد دے گی ۔ یہ ڈیٹا اقوام متحدہ کے گول پائیدار ترقی کے مکمل کرنے میں بھی معاونت کرے گا ۔ تقریب سے سٹیٹکس بیورو پلاننگ اینڈ ڈویلپمنٹ بورڈ پنجاب آفیسرزآیزک شہزاد نے چائلڈ پروٹیکشن اور محمد فاروق نے ہیلتھ اینڈ ایجوکیشن جبکہ سائرہ نے خواتین اور بچوں کی صحت اور تعلیمی سہولیات کے علاوہ صنفی برابری کے حوالے سے سروے کی اہم معلومات پر مبنی تفصیلات پیش کیں ۔ تقریب میں چاروں اضلاع کے دپٹی کمشنر اورمختلف محکموں کے افسران کے علاوہ سول سوساءٹی کی نمائندہ تنظیموں کے ذمہ داران نے شرکت کی ۔ دریں اثنا ادارہ شماریات ، پلاننگ اینڈ ڈویلپمنٹ بورڈ کی طرف سے مہمان خصوصی کمشنر اسداللہ فیض ، ڈپٹی کمشنرز ڈاکٹر احتشام انور ، فاروق ناصر اور ذیشان جاوید کو یادگاری شیلڈز پیش کی گئیں
