لیہ ۔ پاکستان پیپلز پارٹی کے جیالوں کا 5جولائی یوم سیاہ پراحتجاج

لیہ ( صبح پا کستان) پاکستان پیپلز پارٹی کے جیالوں کا ڈسٹرکٹ پریس کلب کے سامنے 5جولائی یوم سیاہ پراحتجاج ،احتجاجی پروگرام کی قیادت سابق ٹکٹ ہولڈر پاکستان پیپلز پارٹی ملک ریاض حسین سامٹیہ نے کی ،احتجاجی دھرنا سے خطاب کرتے ہوئے ملک ریاض حسین سامٹیہ ،سینئر نائب صدر ملک عاشق حسین کھوکھر،عبدالرحمن مانی،لالہ پروفیسر امیر محمد،آغا حسن شاہ رانا امتیاز احمد ،قوی شاہ نے خطاب کرتے ہوئے کہا کہ آج کے روز پاکستان کی سیاسی تاریخ کا سیاہ ترین دن ہے آج کے دن پاکستان کی جمہوری سیاست کو آمریت نے یرغمال کیا اور ملک میں جمہوریت کی بجائے اپنے اقتدار کو دوام دینے کیلئے تاریخ کے بدترین آمر جنرل ضیاء الحق نے فرقہ واریت ،علاقائیتعصب،لسانیت ،دہشت گردی ،ہیروئن اور کلاشنکوف کا کلچر دیا ،آج پھر ملک پر آمریت کے سائے منڈلا رہے ہیں مگر پاکستان پیپلز پارٹی ایسی ہر صورت کا مقابلہ کرے گی اور ملک میں حقیقی جمہوریت کی بالادستی تک اپنی جنگ جاری رکھے گی ،چیئرمین پاکستان پیپلز پارٹی بلاول بھٹو زرداری کی قیادت میں جیالے اپنا تن من دھن قربان کرنے کیلئے ہر وقت تیار ہیں ،اس موقع پر طارق محمود کھوکھر،اظہر عباس خان مجید ہانس ،عبدالغفور سامٹیہ ،جاوید میرانی ارشاد بھٹی،فاروق احمد ،مہر عبدالمجید واندر ایڈووکیٹ و کثیر تعداد کارکنان نے احتجاج میں شرکت کی