لیہ(صبح پا کستان)ناظم جنوبی پنجاب اسلامی جمعیت طلبا ء عبدالرحمن چوہدری نے ڈسٹرکٹ پریس کلب لیہ میں میڈیا نمائندگان سے گفتگو کرتے ہوئے کہا کہ موجودہ حکومت نے تعلیم بجٹ میں کٹوتی کرکے تعلیم دشمنی ملک پاکستان کے مستقبل سے دھوکہ کیا ہے وفاقی و صوبائی اسمبلی پنجاب کے بجٹ کو مسترد کرتے ہیں بجٹ میں تبدیلی کرکے تعلیمی بجٹ میں جی ڈی پی کا 4فیصد اضافہ نہ کیا گیا تو اسلامی جمعیت طلبہ یکم اگست سے آگاہی مہم،ستمبر اکتوبر سے کنونشن و احتجاجی مظاہرے کئے جائیں گے،انہوں نے کہا کہ مدینہ کی ریاست کی طرز پر نئے پاکستان کی تشکیل کرنے والے حکمرانوں نے ملک کے مستقبل نوجوان نسل سے کئے گئے وعدوں سے انحراف کیا ہے،ملک بھر کے تمام اضلاع کی سطح پر یونیورسٹیاں بنانے کے وعدے کہاں گئے ،نئے پاکستان کی حکومت نے ہائر ایجوکیشن کے بجٹ پر 35ارب کی کٹوتی کرتے ہوئے سکالرشپ کا خاتمہ کردیا ہے اسلامی جمعیت طلبہ آج بھی اپنے مطالبہ پر قائم ہے کہ ملک کے جی ڈی پی کا 4فیصد تعلیم کیلئے مختص کیا جائے ہمارا مطالبہ ہے کہ کئے گئے وعدہ کے مطابق ہر ضلع کی سطح پر یونیورسٹی و ٹیکنیکل کالجز بنائے جائیں تاکہ ملک کی نوجوان نسل تعلیم حاصل کرکے ملک و بیرون ملک اپنے وطن پاکستان کا نام روشن کرسکے،اسلامی جمعیت طلبہ بجٹ اجلاسوں سے قبل اسلام آباد و لاہور اسمبلیوں کے سامنے مطالباتی کیمپ لگائے جن میں اپوزیشن اور حکومتی اراکین نے کیمپ میں آکر ہمارے مطالبات کی حمایت کیلئے گفتگو کی لیکن اسمبلی فلور پر تعلیمی بجٹ میں اضافہ کی بجائے تعلیمی بجٹ میں کٹوتی کردی گئی جو ہمارے عوامی نمائندگان و موجودہ حکومت کی تعلیم دوست پالیسی واضع ہورہی ہے،1984ء سے طلبا تنظیموں پر پابندی کی وجہ سے ملک میں لیڈر شپ کا فقدان بڑھتا جارہا ہے طلباء تنظی میں نوجوانوں کو تربیت دیکر ملک کی باگ دوڑ سنبھالنے کیلئے تیارکرتے تھے جو اب سلسلہ رک چکا ہے ہمارا مطالبہ ہے کہ تعلیمی اداروں میں طلباء تنظیموں پر لگائی گئی پابندی کا بھی خاتمہ کیا جائے تاکہ ملک کی باگ دوڑ سنبھالنے کیلئے نئی اور تربیت یافتہ لیڈر شپ سامنے آسکے ،موجودہ حکومت نے یونیورسٹیز کے وائس چانسلرز کو اپنی مدد آپ کے تحت وسائل اکٹھے کرنے کا حکم دیا ہے جس پر تمام یونیورسٹیوں کی فیسوں کو ڈبل کردیا گیا ہے جو طلباء اور والدین پر انتہائی بوجھ ہے ،اگر حکومت نے تعلیمی بجٹ میں تبدیلی نہ کی تو اسلامی جمعیت طلبہ دیگر طلباء تنظیموں کو ساتھ لیکر احتجاجی پروگرام تشکیل دے گی،اس موقع پر ڈویژنل ناظم حسین احمد ،ناظم لیہ مقام احمد حسن مزاری موجود تھے
