لیہ ۔ ناگہانی صورتحال سے نمٹنے کیلئے ڈسٹرکٹ جیل میں موک ایکسر سائز

لیہ( صبح پا کستان ) ڈسٹرکٹ جیل لیہ میں کسی بھی ناگہانی صورتحال سے نمٹنے کیلئے موک ایکسر سائز کی گئی ۔ ایمر جینسی الارم بجانے پر ضلع پولیس ،سی ٹی ڈی ، سول ڈیفنس، ریسکیو 1122اور ضلع کے حساس اداروں کے افسران و اہلکاروں نے شرکت کی ۔ اس موقع پرسپرنٹنڈنٹ جیل محمد فیروز کلیار،ڈپٹی سپرنٹنڈنٹس رسول بخش کلاچی وسرفراز ہارون خان موجود تھے ۔ موک ایکسر سائز میں متعلقہ محکموں نے اپنی اپنی ذمہ داریوں کو احسن طریقے سے سرانجام دیا ۔ بعد ازاں موک ایکسرسائز کی افادیت بارے بریفنگ دی گئی ۔