لیہ ۔ محکمہ انٹی کرپشن کی کاروائی ، 163 کنال آٹھ مرلہ سرکاری زمین ناجائز قابضین سے واگزار کرالی

لیہ( صبح پا کستان )سرکل آفیسر اینٹی کرپشن اظہرحسین کی سربراہی میں خصوصی ٹیم نے دو کارروائیاں کرتے ہوئے 3کروڑ 20لاکھ روپے مالیتی 163 کنال آٹھ مرلہ سرکاری زمین ناجائز قابضین سے واگزار کرا کے محکمہ جنگلات اور ریونیوکے حوالے کردی ۔ تفصیل کے مطابق سرکل آفیسر اینٹی کرپشن اظہرحسین ،ایس آئی مہر فیاض حسین ،ملک قدیر احمد ،محکمہ ریونیو اور جنگلات کے افسران پر مشتمل خصوصی ٹیم نے چک نمبر 234ٹی ڈی اے اڈا شوکت آباد کروڑ میں تین کنال آٹھ مرلہ پر زیر تعمیر 25دوکانیں ،چار مکانات متعلقہ مشینری کے ذریعے گرا کر اور آٹھ کنال خالی رقبہ قابضین سے واگزار کراکے محکمہ جنگلات کے حوالے کیاگیا ۔ اسی طرح چک نمبر 323ٹی ڈی اے میں 1کروڑ 52لاکھ مالیت کا 152کنال سرکاری رقبہ ناجائز قابض محمد ناصر لنگڑیال سے واگز ار کرا کے محکمہ ریونیو کے حوالے کردیا گیا ۔ اس موقع پر ریونیو آفیسر ملک محمدشفیق ،پٹواری محمدسعید احمد بھی ہمراہ تھے ۔