لیہ ۔ پی ٹی آئی حکومت اوچھے ہھتکنڈوں پر اتر آئی ،آصف علی زرداری کی گرفتاری کی جتنی بھی مذمت کی جائے کم ہے ،ملک یونس حسین کنجال

لیہ(صبح پا کستان )پاکستان پیپلز پارٹی کے شریک چیئرمین آصف علی زرادی کی اسلام آباد میں گرفتاری پر ردعمل دیتے ہوئے سابق ممبر ضلع کونسل ملک یونس حسین کنجال ایڈووکیٹ نے کہا کہ آصف زرداری قید و بند سے نہیں ڈرنے والے نہیں سیاسی بنیادوں پر بنائے گئے مقدمات کی کوئی حیثیت نہیں ہوتی ہے،آصف علی زرداری مرد بحران ہیں ، وہ قید و بند کی صعوبتوں اور گرفتاریوں سے ڈرنے والے نہیں ہیں ، آصف زرداری اور جیالوں کےلئے کٹھ پتلی حکومت کی طرف سے اوچھے ہتھکنڈے کوئی معنی نہیں رکھتے،حکومت اور نیب کے دوہرے معیار کی جتنی بھی مذمت کی جائے کم ہے جیالے ایسے ہتھکنڈوں پر ناراض ضرور ہوتے ہیں مگر مایوس نہیں ، پیپلزپارٹی کی قیادت کے لئے دوہرا معیار کیوں ;238;جرم ثابت ہونے سے قبل گرفتار کرنا سمجھ سے بالا تر ہے،پیپلزپارٹی نے ہمیشہ عدالتوں کے فیصلوں کا احترام کیا ۔ انکا کہنا تھا کہ پیپلزپارٹی نے جانبدارانہ فیصلوں کے باوجود عدالتوں کے آگے سرتسلیم خم کیا،پی ٹی آئی کی حکومت اپنی ناکامیوں نے اپوزیشن لیڈرز و سیاسی رہنماءوں کو مختلف جعلی مقدمات میں پھنسایا جارہا ہے اور عوام کی توجہ مہنگائی ،بے روزگاری ودیگر مسائل کی طرف سے دوسری طرف دھکیلا جارہا ہے،انہوں نے کہا کہ پاکستان پیپلز پارٹی کے جیالے قیادت کی طرف سے دی جانے والی ہدایات پر اپنی جانیں بھی قربان کردیں گے ۔