لیہ ۔ آصف علی زرداری کی گرفتاری پرقیادت نے احتجاج کی کال دی تو پاکستان بھر سے عوام کا ٹھاٹھیں مارتا سمندر نکلے گا ۔ قاضی احسان ایڈوو کیٹ

لیہ(صبح پا کستان )ضلعی جنرل سیکرٹری پاکستان پیپلز پارٹی قاضی احسان اللہ ایڈووکیٹ و دیگر نے شریک چیرمین آصف علی زرداری کی گرفتاری پر پریس کانفرنس کرتے ہوئے کہا کہ ملک کی سب سے بڑی جماعت جو وفاق کی علامت ہے کے شریک چیئرمین کی گرفتاری کی جتنی بھی مذمت کی جائے کم ہے ،حکومت اپنی ناکامیوں کو نیب کے پیچھے چھپانا چاہتی ہے کسی بھی جماعت کے ایسے لیڈر کی گرفتاری ملک کی سالمیت کو نقصان پہنچانے کے مترادف ہے حکومت ملک کے غریب عوام کو مہنگائی،بے روزگاری کی چکی میں پیس کررکھ دیا ہے ہونے والے بجٹ اجلاس جس میں ہر کوئی اپنے اپنے حلقہ کی ترقی کیلئے بات کرتا ہے اس سے حکومتی جماعت ان کو روکنے کے حربے استعمال کررہی ہے،ایسے موقع پر قومی لیڈر کو گرفتار کرنا سمجھ سے بالاتر ہے سابق صدر پاکستان آصف علی زرداری کسی بھی جعلی بنک اکاءونٹ کے مالک نہ ہیں اور نہ ہی انہوں نے کسی کے نام پر جعلی اکاءونٹ کھلوائے ہیں یہ صرف اور صرف پاکستان پیپلز پارٹی کے ساتھ انتقامی سیاست ہے جو وفاق کی علامت ہے پاکستان پیپلز پارٹی و دیگر اپوزیشن کی جماعتوں نے مہنگائی ،بے روزگاری و دیگر عوامی مسائل کیلئے احتجاج کی کال دی ہوئی ہے جس کو روکنے کیلئے ایسے اوچھے ہتھکنڈے استعمال کئے جا رہے ہیں پاکستان پیپلز پارٹی کے جیالوں نے ضیاء الحق،جنرل پرویز مشرف کی آمریت کو بھی مقابلہ کیا ہوا ہے یہ جعلی مینڈیٹ والی پی ٹی آئی کی حکومت عوامی سیلاب کے آگے نہیں ٹھہر سکے گی قیادت کے فیصلے کے منتظر ہیں جیسے ہی قیادت نے احتجاج کی کال دی تو پاکستان بھر سے عوام کا ٹھاٹھیں مارتا سمندر نکلے گا،انہوں نے کہا کہ قومی اسمبلی میں چیئرمین پاکستان پیپلز پارٹی بلاول بھٹو زرداری کو تقریر نہ کرنے پر ڈپٹی سپیکر کے عہدہ پر بھی سوالیہ نشان ہے،اسمبلی فلور پر بات کرنا ہر رکن اسمبلی کا بنیادی حق ہے جس کو روکنا جمہوریت کے منافی ہے آصف علی زرداری کی گرفتاری قانون سے متصادم ہے ابھی تک کسی کے پاس عدالتی احکامات کی کاپی موجود نہیں پاکستان پیپلز پارٹی نے ہمیشہ اداروں اور عدلیہ کا احترام کیا آصف علی زرداری کو نیب نے جس وقت بھی بلایا انہوں نے پیش ہوکر نیب کے سوالوں کا جواب دیا وہ اب بھی پیش ہو رہے تھے ان کی گرفتاری سمجھ سے بالاتر ہے،اس موقع پر ان کے ساتھ ضلعی انفارمیشن سیکرٹری حسرت خان،ضلعی رہنما اکرم بھٹہ،سید تحسین رضا شاہ،عبدالمجید ساقی بھی موجود تھے