ملتان کور کی طرف سے چناب مریان بوٹ کلب اور سیلنگ ٹریننگ سکول کا افتتاح
ملتان (صبح پا کستان )کمانڈر ملتان کور لیفٹیننٹ جنرل اشفاق ندیم احمد نے ملتان میں قاسم بیلہ کے قریب چناب مرینابوٹ کلب اورسیلنگ ٹریننگ سکول کا افتتاح کیا ۔اس موقع پر کمانڈر ملتان کور لیفٹیننٹ جنرل اشفاق ندیم احمد نے کہا کہ بوٹ کلب جنوبی پنجاب کے لوگوں کے لئے پاک آرمی کی طرف سے ایک تحفہ ہے ۔
کور کمانڈر نے مزید کہاکہ بوٹ کلب میں تفریح کے ساتھ سا تھ ٹریننگ سکول بھی قائم کیاگیا ہے جس میں آرمی کے جوان عوام کو کشتی چلانا بھی سکھائیں گے تا کہ سیلاب کے دنوں میں یہ لوگ کسی بھی ناگہانی صورت حال سے نمٹنے اور سیلاب زدگان کی مدد کر سکیں ۔ اس موقع پر ملتان اور اس کے گردونواح کے عوام کی کثیر تعداد بھی موجود تھی ۔
