لیہ ڈویژن بنائو ، ڈسٹرکٹ بار کی ہڑتال و مطالباتی احتجاجی مظاہرہ

لیہ(صبح پا کستان)لیہ ڈویژن بنانے کے مطالبہ کے حق میں وکلا بھی میدان میں آ گئےڈسٹرکٹ بار ہال کے باہر صدر بار سردار ارشد اسلم خان سیہڑ ایڈووکیٹ کی قیادت میں احتجاج،مطالبہ کے حق میں نعرے بازی لیہ ڈویژن بناؤ تحریک زور پکڑ گئی،وکلا نے مطالبہ کے حق میں ایک گھنٹے کی ہڑتال کی اور ڈسٹرکٹ بار روم کے باہر صدر بار سرادار ارشد اسلم خان سیہڑ ایڈووکیٹ کی قیادت میں احتجاج کیا،وکلا کے احتجاج میں صدر ڈسٹرکٹ پریس کلب عبدالرحمن فریدی، سابق صدر بار مہر احمد علی واندر،سابق صدر بار سید غضنفر عباس شاہ،جنرل سیکرٹری عزیر مہدی قریشی ،سابق جنرل سیکرٹری اشفاق لنگاہ،سلیمان خان چانڈیہ سمیت نوجوان وکلا کی کثیر تعداد نےشرکت کی،وکلا نے مطالبہ کے حق میں نعرے بازے کی ،نعرےمظاہرین نے مطالبہ کیا کہ کمشنری نظام میں ڈویژن رہنےوالے لیہ کا سٹیٹس بحال کیا جائے، انہوں نے مطالبہ کیا ممبران اسمبلی بھی ڈویژن بنوانے کے لئے کردار اداکریں،وکلا نے اعلان کیا کہ اگر ڈویژن کا اعلان نہ کیا گیا تو احتجاج کا دائرہ بڑھا دیا جائے گا