چوک اعظم ( صبح پا کستان)کرپشن کے خلاف حکومت بلا امتیاز آپریشن کر رہی ہے کرپٹ سیاستدان اور آفیسران جلد قانون کے کٹہرے میں ہوں گے چوک اعظم کو تحصیل کا درجہ دلانے سوئی گیس پہنچانے سیکنڈ سب ڈویزن واپڈا بنوانے سمیت عرصہ دراز سے حل طلب مسائل ترجیحی بنیادوں پر حل کرانے کے لئے بھر پور کوشش کرونگا عبدالمجید نیازی ایم این اے کی چوک اعظم میں ورکرز سے خطاب تفصیل کے مطابق ایم این اے عبدالمجید نیازی نے گزشتہ روز ممبر میونسپل کمیٹی ماسٹر محمد رفیق راجپوت کے ڈیرہ عشائیہ میں شرکت کی رانا عبدالحفیظ سبحانی ملک عون عباس رانا محمد اشفاق چوھدری سجاد اور رانا رفیق سبحانی سمیت کثیر تعداد میں ورکرز نے انکا استقبال کیا عشائیہ سے قبل تحریک انصاف کے کارکنان سے خطاب کرتے ہوئے کہا ایم این اے ملک عبدالمجید نیازی نے کہا کہ قیام پاکستان کے بعد پہلی دفعہ کرپشن کے خلاف پاکستان تحریک انصاف کی حکومت بلا امتیاز آپریشن کر رہی ہے کرپٹ سیاستدان اور کرپٹ آفیسران جلد قانون کے کٹہرے میں ہوں گے انہوں نے کہا کہ چوک اعظم کو تحصیل کا درجہ دلانے چوک اعظم میں سوئی گیس پہنچانے چوک اعظم اور گردونواح میں واپڈا صارفین کے مسائل کے حل کے لیے سیکنڈ سب ڈویزن واپڈا بنوانے پاکستان بیت المال کے تحت خواتین کے لیے ووکیشنل ٹریننگ کالج بنوانے اور ڈاکخانہ کو کرایہ کی دکانوں کی بجائے کسی سرکاری آراضی پر منتقل کرانے سمیت چوک اعظم شہر کے عرصہ دراز سے حل طلب مسائل ترجیحی بنیادوں پر حل کرانے کے لئے بھر پور کوشش کرونگا
