بہاولپور اور لاہور میں انگریزی زبان کی تربیت و تدریس کے لیے امریکی قونصلیٹ جنرل اور ٹیوٹا کا اشتراک, معاہدے پر دستخط ہوگئے

لاہور۔ امریکی قونصل جنرل کولین کرینولگی نے بہاولپور کے 160 اور لاہور کے 125 طلبہ کو انگریزی کی تربیت مہیا کرنے کے لیے ٹیکنیکل ایجوکیشن اینڈ ووکیشنل ٹریننگ اتھارٹی کے چیئرمین ندیم الرحمان کے ہمراہ تربیت کی فراہمی کے معائدے کی دستاویز پر دستخط کیے. ٹیوٹا کی جانب سے تربیت کے ذمّہ داران ، لاہور انسٹیٹیوٹ آف فیوچر ایجوکیشن اور ڈوو فاؤنڈیشن کے نمائندے اس موقع پر موجود تھے۔ اعلامیہ کے مطابق 2017-2018 میں بھی امریکی قونصلیٹ جنرل لاہور اور ٹیوٹا نے ملکر خانیوال، سیالکوٹ، لاہور اور ملتان کے طلبہ کو انگریزی زبان کی تعلیم فراہم کی۔قونصل جنرل کرینولگی نے کہا کہ "ٹیوٹا کےساتھ مضبوط شراکت جاری رہنا امریکہ کے لیے باعث مسرت ہے،ہمارے انگریزی زبان کے تربیتی پروگراموں میں شرکت کرنے والے طلبہ محنتی اساتذہ سے جدید طریقوں کے ذریعے انگریزی زبان سیکھتے ہیں. یہ طلبہ بعد از تربیت ہر طرح کے چیلنجوں کا سامنا کر سکتے ہیں. یہ طلبہ، انکے والدین اور اساتذہ میرے لیے متاثر کن ہیں"۔