شام کی سیر کرتے ہوئے محکمہ ہاؤسنگ کا سب انجینئر اور ساتھی راہزنی کا شکار ۔ایک شخص گولی لگنے سے زخمی ملزمان فرار
لیہ(صبح پا کستان)شام کی سیر کرتے ہوئے محکمہ ہاؤسنگ کا سب انجینئر اور ساتھی راہزنی کا شکار ،سب انجینئر گولی لگنے سے زخمی،موٹر سائیکل سوار راہزن فرار،مقدمہ درج،تفصیل کے مطابق گذشتہ شام ٹی ڈی اے کالونی کے رہائشی محمد امجد سب انجینئر اور ساتھی ورائتی کلاتھ ہاؤس کے مالک ناصر احمد سیر کر رہے تھے کہ موٹر سائیکل پر سوار دو نوجوانوں نے اسلحہ کے زور پر روکا اور رقم ،موبائل چھین لیا مزاحمت پر محمد امجد پر گولی چلا دی جس سے وہ زخمی ہو گئے تھانہ سٹی لیہ میں نامعلوم ملزمان کے خلاف ایف آئی آر کا اندراج کرکے کاروائی کا آغاز کر دیا گیا ہے۔
ہوٹل پر کرکٹ میچ دیکھنے کے دوران چینل تبدیل کرنے پر لڑائی ، چھری کے وار کر کے زخمی کردیا
چوک اعظم (صبح پا کستان)ہوٹل پر کرکٹ میچ دیکھنے کے دوران چینل تبدیل کرنے پر لڑائی چھری کے وار کر کے زخمی کردیا مقدمہ درج،تفصیل کے مطابق چوک اعظم میں ہوٹل پر کرکٹ میچ کے دوران چینل کے تبدیل کرنے پر خان گل اور اس کے ساتھیوں کا عبدالوحید کے ساتھ تنازعہ ہو گیا جس پر خان گل اور اس کے ساتھیوں نے عبدالوحید کو چھری کے وار کرکے زخمی کردیا جس کو فوری طور پر ہسپتا منتقل کر دیا گیا تھانہ چوک اعظم میں عبدالوحید کی درخواست پر مقدمہ کا اندراج کرکے کاروائی کا آغاز کر دیا۔
