لیہ ۔تھانہ سٹی کی کاروائی ،اے کیٹگری کے03 خطر ناک اشتہاری ملزم اسلحہ سمیت گرفتار

لیہ( صبح پا کستان ) تھانہ سٹی لیہ کی کاروائی ،اے کیٹگری کے03 خطر ناک اشتہاری ملزم اسلحہ سمیت گرفتار،منشیات فروش سے ہیروئن برآمد ۔ تفصیلات کے مطابق ایس ایچ او سٹی چوہدری شاہد رضوان کی سربراہی میں تھانہ سٹی پولیس ان ایکشن دوران کاروائی ڈکیتی اور راہزنی جیسے سنگین جرائم میں ملوث مجرم اشتہاری اسلحہ سمیت گرفتار کرلیے ہیں اسی طرح تھانہ سٹی پولیس نے الگ سے ایک اور کاروائی کرتے ہوئے ایک ملزم سے بھاری مقدار میں ہیروئن برآمد کرکے ملزم کے خلاف 9C کا مقدمہ درج رجسٹرڈ کیا۔ ایس ایچ او تھانہ سٹی نے بتلایا کہ ان کے علاوہ ایک اور کاروائی عمل میں لائی گئی جس میں ملزم محمد اسماعیل کو گرفتار کیا جس نے ایک وکیل علی رضا چنڈی جنرل کونسلر کے گھر میں اپنے ساتھیوں کے ہمراہ دن دھاڑے ڈکیتی کی واردات کی تھی۔جبکہ ایک اور کاروائی میں عدالتی مفرور گرفتار کر کے کاروائی کا آغاز کردیا،ایس ایچ او تھانہ سٹی نے کہا کہ ڈی پی او صاحب کی ہدایت پر جرائم پیشہ عناصر کے خلاف بھر پور کاروائی عمل میں لائی جا رہی ہے انہوں نے کہا کہ عوام الناس کے جان و مال کا تحفظ میرا عزم ہے اور امن و امان کی صورت حال برقرار رکھنے کے لئے تھانہ سٹی پولیس ہمہ وقت کوشاں ہے۔