لیہ ۔ قیدیوں کی رہائی کی خبر نے پاکستانی عوام کے دل جیت لئے ہیں ۔ملک ربنواز ڈنہار

لیہ ( صبح پا کستان) سعودی عرب کے شہزادے کی جانب سے پاکستان کے قیدیوں کی رہائی کی خبر نے پاکستانی عوام کے دل جیت لئے ہیں ۔یہ کام بہت پہلے ہوجانا چاہیئے تھا لیکن حکمرانوں نے کبھی بھی غریب عوام خصوصاً سعودی عرب میں محصور پاکستانی قیدیوں کے لئے آواز نہیں اٹھائی ۔عمران خان نے سعودی عرب میں رہنے والے پاکستانیوں کی رہائی میں اہم کردار ادا کیا ہے ان خیالات کا اظہار سیاسی سماجی رہنما ملک ربنواز ڈنہار نے ایک کارنر میٹنگ سے خطاب کے دوران کیا ۔انہوں نے مزید کہا کہ پہلی دفعہ ایک حکمران نے حقیقی معنوں میں عوام کے لئے کام کیا ہے۔وہ وقت دور نہیں جب پاکستان ترقی یافتہ ممالک کی لسٹ میں سرفہرست ہوگا۔