ڈیرہ غازیخان ڈیژن کے چاروں اضلاع میں اے ڈی پی کے تحت 477سکیموں پر 61 ارب 88 کروڑ 90 لاکھ روپے خرچ کئے جارہے ہیں ۔حبیب الرحمان گیلانی چیئرمین پلاننگ و ڈویلپمنٹ پنجاب

ڈیرہ غازیخان. (صبح پا کستان) ۔چیئرمین پلاننگ و ڈویلپمنٹ پنجاب حبیب الرحمان گیلانی وفد کے ہمراہ دوروزہ دورہ پر ڈیرہ غازی خان پہنچ گئے ہیں. انہوں نے کمشنر آفس میں ترقیاتی منصوبوں کا جائزہ لینے کے ساتھ ٹیچنگ ہسپتال اور دیگر منصوبو ں کا معائنہ کیا اور کمشنر آفس کے لان میں پودا بھی لگایا .کمشنر طاہر خورشید،سینئر چیف کوآرڈ نیشن پی اینڈ ڈی جاوید لطیف،ڈپٹی کمشنر میاں محمد اقبال مظہر مہار نے بھی کمشنر آفس کے لان میں جامن اور امرود کے پودے لگائے اس موقع پر ملک و قوم کی سلامتی کی خصوصی دعا کی گئی. چیئرمین پلاننگ و ڈویلپمنٹ پنجاب حبیب الرحمان گیلانی نے کمشنر آفس میں اجلاس کی صدارت کی .کمشنرطاہر خورشید،چاروں اضلاع کے ڈپٹی کمشنرز میاں محمد اقبال مظہر مہار ،ڈاکٹر احتشام انور،بابر بشیر،محمد الطاف بلوچ اور دیگر افسران شریک شریک تھے۔ ڈیرہ غازی خان ڈیژن کے ترقیاتی منصوبوں کا جائزہ لیا گیا اجلاس میں بتایا گیا کہ چاروں اضلاع میں اے ڈی پی کے تحت 477سکیموں پر 61 ارب 88 کروڑ 90 لاکھ روپے خرچ کئے جارہے ہیں جن میں 440 جاری منصوبوں کیلئے پونے 59 ارب روپے اور 37 نئے منصوبوں کیلئے تین ارب چودہ کروڑ روپے مختص کردئے گئے ہیں۔37 نئے منصوبوں میں سے 24 کی منظوری دے دی گئی ہے اجلاس میں ڈویژن کے میگا پراجیکٹس کا بھی جائزہ لیا گیا چیئرمین حبیب الرحمان گیلانی نے کہا کہ محکمے ہر سکیم کی بروقت تکمیل کے لئے باقاعدہ فالواپ لیں ڈیرہ مظفرگڑھ روڈ کے تمام فنڈز کا انتظام کرلیا گیا ہے۔کمشنر طاہر خورشید نے بتایا کہ ڈیرہ غازیخان ڈویژن میں اے ڈی پی کے تحت جاری منصوبوں میں ہائی ویز کی148،،پبلک ہیلتھ کی 128،بلڈنگز کی ایک 119 انہار کی 15،لوکل گورنمنٹ کی سات،ایف ایم ڈی اے کی دس اور سپورٹس ڈیپارٹمنٹ کی 13سکیموں میں سے88 مکمل کرلی گئی ہیں۔کمیونٹی ڈویلپمنٹ پروگرام کے تحت ڈیرہ غازیخان ڈویژن کے 26 صوبائی اسمبلی کے حلقوں میں 70 کروڑ روپے سے 303سکیمیں منظور کرلی گئیں ہیں جن پر پندرہ مارچ سے کام شروع کردیا جائیگا۔چیئرمین پلاننگ و ڈویلپمنٹ پنجاب حبیب الرحمان گیلانی نے تجویز کردہ تیرہ سکیموں کی منظوری میں حائل رکاوٹوں کا بھی نوٹس لے لیا انہوں نے متعلقہ محکموں کو تنبیہ کی کہ سکیمیں پیش کرتے وقت رقبہ اور دیگر رکاوٹیں دور کریں انہوں نے کہا کہ ڈویژن کی بیس کروڑ روپے تک سکیموں کی منظوری کا اختیار متعلقہ کمشنر کو دینے کے حوالے سے سفارشات تیار کرکے منظوری دلائی جائیگی۔ ڈیرہ غازی خان ان کے لئے پسندیدہ ڈویژن ہے کیونکہ انہوں نے ملازمت کا آغاز بطور اسسٹنٹ کمشنر اسی ڈویژن سے کیا چیئرمین نے پنجاب انفارمیشن ٹیکنالوجی بورڈ کے کنٹرول روم کا بھی معائنہ کیا انہوں نے ٹیچنگ ہسپتال کے مختلف شعبوں کا بھی معائنہ کیا ٹیچنگ ہسپتال کے مسنگ سپیشلٹیز کے تحت 370 بیڈ کے توسیعی منصوبے کا جائزہ لیا۔ ٹیچنگ ہسپتال سے آزمائشی بنیاد پر ٹیلی میڈیسن سروس کا آغاز کردیا گیا ہے انٹرنیٹ کے ذریعے ٹیچنگ ہسپتال کو آر ایچ سی بارتھی سے منسلک کردیا گیا۔ٹرائبل ایریا کے علاقہ بارتھی میں مریضوں کا آن لائن ٹیچنگ ہسپتال کے ماہرین طبی تشخیص کرکے علاج تجویز کررہے ہیں چیئرمین پلاننگ و ڈویلپمنٹ پنجاب نے آئی ٹی نظام کا جائزہ لیا انہوں نے ٹیچنگ ہسپتال کے گائنی وارڈ کی تزئین و آرائش کے منصوبے کا بھی معائنہ کیا اوریضوں کی عیادت اور فراہم سہولیات کے بارے میں استفسار کیا.