لیہ ۔پولیس ڈرائیونگ سکول میں کمرشل کورس LTVلائسنس کا پہلا بیج پاس آؤٹ

لیہ(صبح پا کستان) ڈرائیونگ سکول لیہ میں کمرشل کورس LTVلائسنس کا پہلا بیج پاس آؤٹ ،دوران ڈرائیونگ آپ کی چھوٹی سی غلطی کسی حادثے کا سبب بن سکتی ہے ،حادثات سے بچنے کیلئے ڈرائیونگ کی تربیت ضروری ہے ۔انسپکٹر ٹریفک اللہ بخش ۔ تفصیلات کے مطابق پولیس لائن لیہ میں ٹریفک پولیس کے زیر اہتمام ڈرائیونگ سکول میں جاری کمرشل کورس LTVلائسنس اختتام پذیر ہو نے پر ایک پر وقار تقریب کا انعقاد کیا گیا ،انسپکٹر ٹریفک اللہ بخش نے کامیاب ہونے والے شرکاء میں سر ٹیفکیٹ تقسیم کیے ،انسپکٹر ٹریفک نے شرکاء سے تقریب کے دوران خطاب کرتے ہوئے کہا کہ دوران ڈرائیونگ آپ کی چھوٹی سی غلطی کسی بھی حادثے کا سبب بن سکتی ہے ،حادثا ت سے بچاؤ کیلئے ڈرائیونگ کی باقاعدہ تربیت حاصل کرنا ضروری ہے ،تقریب میں انچارج سکول ناظم عباس ،زنیرہ کنول اے ایس آئی ،محمد یعقوب کمپیوٹر آپریٹر بھی موجود تھے ۔تقریب کے اختتام پر شرکاء کی تواضع کا بھی اہتما م کیا گیا۔