لیہ(صبح پا کستان) ڈسٹرکٹ پریس کلب رجسٹرڈ و ضلعی انجمن صحافیان کے انتخابات،عبدالرحمن فریدی صدر پریس کلب، یامین مغل جنرل سیکرٹری پریس کلب، رانا خالد محمود شوق صدر انجمن صحافیان، رانا عبدالرب جنرل سیکرٹری انجمن صحافیان بلا مقابلہ منتخب، چیئرمین الیکشن بورڈ نے نوٹیفکیشن جاری کر دیا، دوست احباب سیاسی و سماجی شخصیات کی مبارکباد، تفصیل کے مطابق ڈسٹرکٹ پریس کلب رجسٹرڈ و ضلعی انجمن صحافیان کے انتخابات برائے سال 2019-20 کے انتخابات کیلئے جرنلسٹ گروپ، فرینڈز گروپ، فاؤنڈر گروپ، یونائٹڈ میڈیا گروپ پر مشتمل 87 افراد کی ووٹر لسٹ پر انتخابات کا انعقاد ۔ چیئرمین الیکشن بورڈ احمد نواز خان سیہڑ ایڈووکیٹ، اخلاق احمد ڈوگر ایڈووکیٹ ، سید توقیر گیلانی ایڈووکیٹ ممبران پر مشتمل بورڈ نے جاری شیڈول کے مطابق گزشتہ روز امیدواران سے درخواستوں کی وصولی کی ، ممبران ڈسٹرکٹ پریس کلب کے ممبران میں سے عبدالرحمن فریدی صدر ڈسٹرکٹ پریس کلب ، ریاض احمد نائب صدر، محمد یامین مغل جنرل سیکرٹری ، عبداللہ نظامی جائنٹ سیکرٹری ، رانا عابد مسعود سیکرٹری نشر و اشاعت ، احسن شہزاد باجوہ فنانس سیکرٹری کیلئے درخواستیں دیں جبکہ انجمن صحافیان ضلع لیہ کیلئے رانا خالد محمود شوق نے بطور صدر، قمر الزمان نائب صدر، رانا عبدالرب جنرل سیکرٹری محمد اسماعیل میرانی جوائنٹ سیکرٹری ، محمد عرفان سیکرٹری نشرواشاعت ، خالد شفیق فنانس سیکرٹری کیلئے کاغذات نامزدگی جمع کرائے۔ کاغذات نامزدگی کے مقررہ وقت تک ان امیدواران کے کیخلاف کسی بھی دیگر امیدوار نے درخواست نہ دی جس پر بعد از سکروٹنی چیئرمین الیکشن بورڈ احمد نواز خان سیہڑ ایڈووکیٹ نے بلا مقابلہ کامیاب امیدواران کے ناموں کا اعلان کیا اور کامیاب امیدواران کا نوٹیفکیشن جاری کر دیا۔ ڈسٹرکٹ پریس کلب رجسٹرڈ و ضلعی انجمن صحافیان کے پر امن کامیاب الیکشن کے انعقاد پر اور نو منتخب عہدیداران کو سیاسی و سماجی شخصیات اور دوستوں نے مبارکباد یں پیش کیں۔
